العراق كلهم شعر
العراق كلهم شعر
اعصر نظر عيني بلكن اتطيح
صورك البعيني بهيأة دموع
وانه ناذر نذر بسكون انساك
اطش اسنين عمري واعلك شموع
اولا شكرا علطرح الجميل وهاذه قفشه حافظته
نادم بكد ماكتلي احبج موت صحيح انته حلو بس عشرتك مره
اظمك سر عليه وبيه اسولف بيك
شيسکته الجفن لو بیك من یسمع
جابوا مره اسمك وانذکر طاریك
ولو شايف عيوني بلا دمع تدمع
بجيت اعليك واكثر من بجي العین
من یوم الغبت لليوم لوتجمع
تعال وشوف حالي شلون ظليت
اعد ايام بعدك وادري ماترجع
يمرني الليل غبشه امعاگب الليل
ويصحي اجروح بيه اتريد دم ترضع
أسكت ياجرح وهنه الجروح اهواي
ضاكت بيه روحي وجسمي يتگطع
تهت بغياب عينك مني راح الشوف
وتشوف گلوب عميه وعيني ماتقشع
تعال اجروحي گامت تنزف اجروح
ويهد جبال صوتي وانته ماتسمع
من تواعدني بمطر وانه بحضن تموز
اصدگك ياگلب وابقى العمر ناطر
انه بكلمة احبك تمتلكني اجناح
وتحط بيه المنايه اعله السواتر
گلب سمجه انه گلبي ووكتي بركان
وشيصبرها روحي اتعيش باچر
تمنيت انه اشوفك گبل ماموت
وماريدك تجيني وماني حاضر
وماريدك تجيني وماني حاضر
^_^
دق بابي العيد قلت له شتريد
رويته جرح الناس ظل يلطم العيد
جميل
.
ارد اســافــــر ارد امــــوت
اهنـاك يم الله أشـوفـن
كلشـي چنت اتمنـه اشـوفــه.
لـ كاظم اسماعيل الگاطع