هنا

[EvAnEsCeNcE]

حبيت اسوي هذا ألموضوع ..!!!!
حتى نشوف الأذواق الشعرية
ومواهب ألاعضاء في كتابت ألشعر الشعبي ونشوف كل واحد
شنو يختار وشنويهوى...؟؟؟؟
في ألشعر الشعبي...!!!
بـأنـواعـه....!!!!!

وهسا ما عليك ألـا تكتب بيت مـــن
{ألدارمي أو الابوذية أو ألقصائد ألخ....}
من أجمل ماعندك سواء كان بقلمك أو حافظة...!!!!!!

وهسا أبدي
بأول
مشاركة

مو كلمن نزف يسّـمة مجروح الجرح مو بشكثر ذب دم قياسه
اليلكة بجرحه دم صـدكني يرتاح والما يلكة
دم جرحـه بأحساسه
اقبل اي جرح بس
جرح ألاحساس يضل ينزف عـمر لو بشر جاسه ميضوج
ألورد لو داســـته ألناس
بس ايـضوج اذا فلاحـة داسـه

أتمنى يعجبكم الموضوع
أنتظر الردود
تــح ــياتي

[Daleen]

على هموم العشك عودنة الكلوب
وعلى خيل الصبر مشينة حبنة
وتعلمنة الحزن والدمع والنوح
وزرعنة الطيب بدروب اليحبنة
ودينة الفرح بجناح الطيور
الك مرسال نهديلك كلبنة
يمحبوبي العشك مو كلمة تنكال
ولا كلمة احبك سهلة عدنة
هاي الناس حبها بس بالوجوه
واحنة بالكلب خضر عشكنة


شكر ملاك مو ضوع جميل

[Samer]

شكرررا ملاك الروح

طبعا ... هذا دارمي ..اهداء إلى أحد جسومي

حارمني من صورتك حارمني من صوتك ... رمشلي لا تتصل يمعود مروتك

هاي لان اليوم ما خابرني خخخخخ

[Snow Girl]

خلصت العمر دمعات ويــــاك


وحنين المر عذاب وياك كضــيته

جذاب اليكلك لحظه انـــساك

نسيانك صعب وقلبي وصـــــيته

وصيته يعيش الدنيا برضـــــــاك

اله زعل قلبي هواي داريتـــــه

وبقلبي السماوه وتمر يهـــــــواك

ومن الناصريه بسجين كصـــيته

طبعت قلبي بمحبتك واني لـــولاك

جا طار القلب بس بشوفتك رديتـــــه

علي هواي متغير لو اعرف شـــــــــجاك

صبر ايوب صابر وقلبي واسيتـــــــــه

وفد مره زعل قلبي على عينــــــــــاك

ومن شفت العيون بسرعه رضيتـــــــــه

شجا هذه القلب مايحتمل بعـــــــــــداك

اصبر ياقلب مو جبدي مريتـــه !.



مشكوووووووووووووور على الموضوع ملاك

[EvAnEsCeNcE]

غصن التين
يا مايْ ليوصلنّي لْبساتينك؟
يا نسمة؟
يا نهر الْيدلّيني يغصن تينك؟
وك تِعَبْتْ وتعبتني وياك
وديت العمر.. كل العمر خطار
بلجن ترحم سنينك
تداويني؟
شتداويني وانا مبضّع على طولي بسجاجينك
حسافة على الزمان الفات وياك
وحسافة عليك، فرّطت العشك ع الرايح وع الجاي
بس وياي ما عدلت ميازينك
روح بلا عتب ما تسوه حتى عتاب
إلي ديني وألك دينك.

[m!s$ sandy]

أنته وسط ادروبي شمعة ـــــ وانته وسط اگليبي نبظة
وانته ويه الروح عايش ــــــ ما تفارگ بالي لحظة؟؟

يبو گلب يفيض بالحب والحنان
مثل حسنك ماشفت في كل مكان؟؟

الشعر ناعم يطير امن الهوى
يفح عطره چن ورد توه روه؟؟

وانته گصتك كلهه غيره ــــــ والحواجب مو حواجب
يمكن ورود بحديقه ـــــــ وبث عطرهه اعله الگصايب
والرموش سيوف تذبح ــــــ ما يقاومهه المحارب؟؟

وانته وجناتك نوارس ــــــ بيض ويه الريح تعله
وعسل مي اشفافك انته ــــــ وبعد من العسل أحله ؟؟

وهمس صوتك من أسمعه ـــــــ للبلابل أنطي عطله
وسحر عينك يا حبيبي ـــــ سحر ما ترهمله بطله؟؟

هاذي من الابيات الشعريه الغزليه الي كلش احبه

[EvAnEsCeNcE]

يا كـــــــــمر
بهيده على بختك يا كمر .. مساهر واريد اشكيلك
انه غريب ابدنيتي .. مضيّع وادور ابليلك
عن ربعة اهلي ، ودلّة الديوان ، ومواويلك
عن ضحكة البربين لعيون الدلو
عن رقصة الصفصاف والماي الحلو
عن صحبتي، وخلاني , وعيون النهر
بهيده على بختك يا كمر
يا غربتي ...
غربة عصافير التودع اعشوشها... برفّة جنح
ويا دمعتي ...
دمعة الكاع التبكي موت اهروشها... بجيت الملح
يا دار اهلنا الطاهره ... مر العمر
عيون اليحب امساهره ...ومامش خبر
بهيده على بختك يا كمر
وك يا كمرنه مروتك ... حنّي الشواطي بدمعتي
كلهم كبرت اعله الصبر...والونّه صارت غنوتي
مشتاق ابوسن دجله... واشرب مايها
واعزف ترانيم المحبّه بنايها
دجله الهوى ، والسوق ، والحب ، والسهر
بهيده على بختك يا كمر

[النجمة الذهبية]

بغيابك ما اميز شمس من في
بدونك انا ماموجود منفي
تعال ادخل بكلبي وشوف منفي
اذا غيرك لكيت اعتب علية
موضوع بغاية البداااااااااااااعه

[EvAnEsCeNcE]

اجه يسأل تحبيني
احبك يابعد عيني
احبك ياصبر عمري
شوف عيوني شتقلك
انت الكحل لعيوني
وانت الضحكة لاشفاهي
وقلبي يابعد قلبي
من يسمع ضحكتك
يرجف بقوة واخاف الرجفة تقتلني
وصبحي من تلاقيني
ينور بنورك ونوري
وليلي من يجي ليلي
واشواقي تبجيني
يجي صوتك بعد عيني
يعاتبني ويناجيني
ليش دموعج الحلوة تنزليها
شوقي ماتحمتله
وحنيني ولهفة ايامي
احس بغربة من دونك
احس بوحشة ايامي
لانك ضوى لعيوني
ولانك فرحة ايامي
اخاف الوصف يغدرني
ومااقدر اوصف حبي لك اكثر

[EvAnEsCeNcE]

غالي واحبك دوم وتحبني اريدك
من ايدي اغار عليك لو تلمس ايدك