أربعين من الشبه بس لا ماكو هيج وجه امرايه مثلك تنعكس
واني عالدم وسألتك ها لسؤال أنت شتصير عمي من الشمس؟
عيون عندك ماجن وقت الصيار ومن اصل تكوينهن نأخذ درس
اثنين أحجار العقيق من السماء انشمرن وبفصوص عينك جن ترس
هواي شفنا شفايف أترف من فراش بس قياسا بيك مايسون فلس
يدكن البيبان اكو شفايف غرور تفوت يم بابك شفا يفهم تنس
الناس كلها أتذوب بالمس الرقيق وأنت ألك تنهار مملكه اللمس
انذوب تدري شلون لمن ما نجيك مثل ما بلسانك يذوب الجبس
كلبي اشمرة عليك لمن ما تفوت وأنت كالعادة ترجعه وبالعكس
شلون أني وياك نأخذ مضربين بهذا كلبي الما وكف ناعب تنس ؟
أيام كل اسبوع تتعارك عليك بيك الحلبات وأنت الما تحس
أمس هذا الفات ما رادك تروح اليوم جرك كوة جابك من أمس
أنت لو مره بتقاطعكم مشيت تكلب الشارع حوادث بالدهس
لان كل أوصافك أعلى من القياس لازم يدخلوك موسوعة غنيس
تنفخ على أرواحنا نحيا ونعيش تحبس أنفاسك نفسنا الينحبس
يجوز يم مريم جنت وكت المخاض هناك من ربك نفخ روح القدس
راح اكلك أنت صرت شكد رقيق لو ثكل أخلاق يالحجيك سلس
البلبل شكد رائع وصوته جميل يصير بالنسبة لجمالك مفترس
رد مع اقتباس
المشاركة الأصلية كتبت بواسطة ♥..الــدرة الــمصونـــة..♥
