اذا كلك ورد محتار ابوسك وين
خايف من ابوسك اكسر اغصانك
واذا انته العطر يشتم عبيره اورود
يعني الورد ذايب هوا بحضانك
::::::::::::::::::::::::::::::
ما جبرتك تحبني حتى بيه تلوم
كتلك خل علاقتنا صداقه
ضحيت لأجلنا اني باغلى الناس
ونسيت لخاطرك اجمل علاقه
احجي وياك لين خاطر ارضيك
وتجي توصف كلامي بالحماقه
::::::::::::::::::::::::::::::
منشار الحزن گص بيه يوم جفيت
شيسوي الخشب وشبيده عالمنشار
اذا حبك ذنب واتحاسب انه عليه
ماريدن الجنه وخليني اطب النار
::::::::::::::::::::::::::::::
مو طبعي الجذب لو كلت احبك موت
لان حبي الك ما صار من نظرة
ومو طبعي الجذب لو كلت ميت بيك
لان دونك احس مخنوك بالعبرة
وموطبعي الجذب لو كلت ما انساك
لان صورة خيالك بالكلب جمرة
ومو طبعي الجذب صدكني هايم بيك
لان حبك عذاب ونار مشتعلة
رد مع اقتباس
المشاركة الأصلية كتبت بواسطة أريج الروح
