هالصيصان شو حلوين!
طوني حداد
اسكتي ياعطيات يأوختي ..اسكتي..
مش طلع العزيز “جيف” واخد على خاطرو من “بيبي” نتنياهو وزعلان منّو قوي قوي..
وقللو وهو بيعيّط :
ياقاسي يا”بيبي”..ياعنيف انتا ..أنا مش قدك ومش هاالعب معاك عشان انتا واد مؤذي ومتهور وبتوجعني..
بتقول الخبرية:
“قال جيفري فيلتمان مساعد الأمين العام للأمم المتحدة للشؤون السياسية إن الأمم المتحدة “تشعر بالانزعاج تجاه الرد الإسرائيلي المفرط على قطاع غزة”.
وأضاف فيلتمان أمام جلسة طارئة لمجلس الأمن الدولي مساء الجمعة 18 يوليو/تموز أن “إسرائيل لديها قلق أمني مشروع، ونحن ندين إطلاق الصواريخ بشكل عشوائي من غزة على إسرائيل، مما أنهى وقفا مؤقتا لإطلاق النار”.”
يعني مستر فيلتمان مزعوج من” الافراط”مش من الرد.. “وهو أصلاً عدوان وليس رداً”..
خايف على صحّة “نتن ياهو” من الافراط اذ ربما يؤذي نفسه ياحرام..
يعني شي بيشبه الافراط بتناول السكريات أو الدهون أو الافراط بممارسة الشغلات تبع “الكبار”..
يامعتّر يا”بيبي”..لشو كل هالافراط؟
افراط؟!
العمى على هالأمم المتحدة شو قلبا كبير..فرّت الدمعة من عيني بسبب التأثر “البالغ” السنّ القانوني…!
والأنكى من هيك كفاية الخبرية..اسمعوا ياأوادم:
“وأعلن-أي فيلتمان- أن الأمين العام للأمم المتحدة بان كي مون قرر زيارة الشرق الأوسط السبت، مبينا أن “الامين العام يريد التعبير عن تضامنه مع الإسرائيليين والفلسطينيين”.
تضامنه مع الاسرائيليين والفلسطينيين؟
مع الفلسطينيين فهمناها صارفي أكثر من ثلاثمئة قتيل جلّهم من الأطفال..
لكن خير ان شالله بدو يتضامن مع “الاسرائيليين” عشان شو؟
كل ما سقط صاروخ متواضع أطلقته المفاومة من غزة كنوع من الرد على المجازر الصهيونية
أو كل ما انطلفت صفارات الانذار في مستوطناتهم أقصد “مغتصباتهم” وهذه الصواريخ هي أضعف الايمان في مواجهة النازية الصهيونية ؟
أو عم تنتزع كسرة “بناطلينهم” لما عم ينبطحوا بالطرقات عند سقوط هذه الصواريخ؟
اليوم جاي الريّس بان كي مون..وفخامة “اوسلو” محمود عباس رح يكون على رأس مستقبليه وعلى السجادة الحمراء تبع كبار المسؤولين..
وبيتصوروا وهنن ضحكانين..
وبيطلعوا الصور حلوين
والشباب مبسوطين ..
ووفود رايحين ووفود جايين
والكل متضامنين ..
وهالصيصان شو حلوين..!
رد مع اقتباس
