اجيت بوكتك
تره المشلوع كلبه تعرفه بس بالليل
اجيت بوكتك بعيني السهر مصلوب
دمع كل مغربيه بلا محب ضكته
كمت اعرف النايم جم حلم مر بي
اليفز بالليل اعرفه عيونه فاضحته
الميت بالعشك تابوته عرسه يصير
اذا كالوله ولفك يضحك بزفته
تره المشلوع كلبه تعرفه بس بالليل
اذا سولف تحس جادر بسالفته
جبت في من حلك لليل بشمع محروك
حته السر خيالي البشمس عفته
الذنب ذنبي اريد اعترف
راح الجان اذا لحظه غبت يسئلني وين انته
اذا ماسولفت بأسمه يفز مرعوب وهسه يكلهم الحبيته مر وكته
وجيت انته وبديت اشهك عشك لو مرني كلي اعرك
النوارس تبجي ع اليغرك بعشك وي كضي عمره يسولف بقصته
وهسه انته الصرت غالي يل مادخل ابالي يريت تبهذل احوالي كشخت الخاطرك لابس اعز تابوت
وعزرائيل جبته وعرفيته عليك بلكي تصير جتالي
حتى اضحك وكولن اعوض العفته
يغني بصوتي ويه الناس يسهر جان
ويمي يغني بلا صوت
ويسؤلوني وكلهم لأ اجه بالطيف غنالي ويخجل مستحه خيالي
مالي وصار مو مالي متندم عليه كد ما اني دللته
اجيت بوكتك الميت نفس محتاج وربك عوض الميت وجيت انته
اليحلم بالشمس يلبس بوجهه فياي وشرط بي ريحه العاشك وسالفته
بديت اتنفسك واشتم العفته وجيت واكولن خاف مثلي الحسره كاتلته
لتأمن حلم بعيون اليسهرون مو من صالحك لو بالرخص بعته
الهلاهل بالأصابع تمر ع الخرسان وتمر تابوت بأذن الفاركو سكته
اليفز بالليل يدري بولفه مامرتاح وي غيره ولكن يدري مو وكته
الخذه شي مو أله مشارك بكتل حسين والطف يبقه كله مجودر بذمته
لتسولف حلم يم ناس تحلم بيك تشيل ذنوبهم وي كل حلم شفته
شنو فرق المفارك ولفه والجناز الحزن مفضوح عدهم والضحك سكته
الذكره البسجن جم وجه بيهه يعيش جم انسان فاقد بيهه ذاكرته
جم عاشك كتب ع الشجره ذكره ومات واجت وي غيره تقره بحركه صاحبته
جم شامت حزن من شافك انته وياي وجم شامت كبل من عده اخذ حصته
هذن عدن بديت اهواك يكلبي انسه القبل ينساك تعال وجيب خلكي وياك
يل مسافر بالي الغربه ماتراد وسراديب البروح اصواتهن مكسور والدفانه مرعوبه
حكهم مبتلي كل واحد بقصته
انه بأخر نفس بالعشك واشهك طيف
اشم بوجه صاحبتي اكلهه اليحب مامرتاح وتكلي بحركه ولفك راح
صرت مثل اليشيع بيده محبوبه الله يساعدك المسجون من يسمع خبر بالكوه مخطوبه
عشت مثله ولكن وكته ماعشته
لكيت سوالفك تابوتهن محجوز وصوت المكبره ميسمعه ياهو الجان بس الروحه مشطوبه
خطيه المكبره شجم شاب دافنته
يل توزع الهوه موتت جم محبوب العتب وياك بس مسموح
شهر عاشور ميشور بت الليل احسن بي مايملك بعد حوبه
الحلف بي خان وانه العمره ماخنته انكسر دمي وعطش سجينك المكشوف
تشتم ياجلد تعبان جنت من ما تجيني بروحي اضم دخان الفرق بين الفقره والملك بس الماي
كلمن يهوه مشروبه الملك كلبي وصبحت انته شاغل حيل ذاكرته
هويتك والرحل متبري من ذمته اليكفر بالسهر ماحلف عمره بليل ولا تانه النجوم تشيل سالفته
اشد ع الغيم خلكي ولمن امطر غيم حته يعيش زرعه الخلق وشلته طحت بس شطحت طاحت نجومي
وياي أسئلو الغيم بجتافي شكثر شلته
اجيت بوكتك الشمات مايدرون اذا سئلوني اكلهم بيك بدلته الراح يروح مثله مبدل اني هواي هسه انشوف ياهو البينه مر وكته
رد مع اقتباس
المشاركة الأصلية كتبت بواسطة abas satar
