هنا

[علي الازيرجاوي]

مرحبا شباب اشلونكم ان شاء الله بخير

حبيت اسوي هذا الموضوع واثبته

بس اريد تفاعل رجاءآ

الموضوع خاص بالابو ذيات

لكن للعراق فقط

يعني ما اريد اي مشاركة خارج عن الموضوع

فقط للعراق

...

لكم الخير احبتي .

انتضر تفاعلكم

...........................

ليعطش دم اله نترس يرب كون
اشباه الزلم فشـله النه يربكون
احلفك بالكفل زيــنب يرب كون
تفـرج عالعراق بهـالمسيـــــه

[علي الازيرجاوي]

اجيك واعتني مجتف بلادين
واهد بديني علقاتل بلادين
بلادي وحده وابد ماتصبح بلادين
اخوه احنه ومانعرف الطائفيه

[علي الازيرجاوي]

عزيز الوطـــن واعشگ ـــــــ ترابي
وتضل اعله البلد عيني ــــــ ترابي
العراق اسرار وهوايه ــــــــ ترابي
رجال ابطـــــــــال من نفس الهويه

[علي الازيرجاوي]

جريح الوطن يـــــنزف ـــــــ بلاداي
وچثير اجيوش هالطبت ــــــ بلا داي
اقاتل لوصرت عــــاجز ــــــ بلاداي
مثل عباس بارض الغاضـــــــــــــريه

[علي الازيرجاوي]

النخوة علمتني بصغر سني
انه الجف الغريب سيوف سني
عراقي مو مهم شيعي وسني
شلون اذبح عراقي عله الهوية

[علي الازيرجاوي]

تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

[توحاية]

عليها اسكب دمع عيني و اهلها
و اشم ترابها الطيب و اهلها
سلام الله على بغداد و اهلها
كرام ما بيهم ردية

[علي الازيرجاوي]

جيلة إمزاغل وجيلة .. بلابوش
العراقي ابصدر كل حاقد .. بلابوش
وبلادي بخير لو لنّه .. بلابوش
و لا جانت فئات وطائفيه

[توحاية]

ربينه بهل الوطن سنة و شيعة
و مات الراح مد ايدك وشيعه
انا سر ببالي اليوم واريد اشيعه
بالحب هذا الوطن يجمعنا سوية

[توحاية]

عراقي بالاصل اصلي و اصلي
عراقي و افتخر من جذوري و اصلي
اسحب اقسامي على الحاقد واصلي
عراقي بالاصل مو بس بالهوية