“ الربيع العربي ”
عن أيا ربيع بغني عن أيا ربيع بقول
هالوجع الطالع مني صرخة من قلبي المشغول
عن أيا ربيع بغني عن أيا ربيع بقول
هالناس العم تسقط هني أبريا ومين المسؤول
حلمنا بربيع مزهر عطرو ينتشر عالناس
طلع الربيع محيّر زهّر دم ولاد وناس
بديت بعربيّة خضره ولعت ثورة بالميدان
عملوها ثورة حمرا بتقتل بأسم الأديان
دول كبيرة دخلت فينا بمصالحها السياسية
طار النوم من ليالينا بحورتنا مش محمية
جابوهن من ضيع بعيدة هودي بربر المغول
بقلبن وحشة وعقيدة لا بتتجادل لا بتزول
هدير ثواتنا تنبّأ قالولن أنتو مقاتلين
الوطن العربي الكن خندق لا تفرقوا لون ولا دين
الشعوب اللي قررت مسارا حقا تعيش بحرية
لكن الثورة يا خسارة ردتهم للعبودية
سمّونا الربيع العربي زهّر خريف الفوضى
البرد خلّا الشعب العربي ما يحرر ثورة بيضا
خوفي على الشعب العربي غيرو يحررلو الثورة
ويبقى جاهل متل الصبي يحكم بصفوف الروضة
رد مع اقتباس
المشاركة الأصلية كتبت بواسطة sawsanmahmoud
