......
دار الــزمــان وكـــــل شــيـــن تـغــيَــر
حتـى وحـوش الجـو صارت تفـاريـخ
وقـــت بـــه الـعــراف بــامــره تـحـيَــر
كــل غــدا شـاعـر وكـــل غـــدا شـيــخ
كــل ايجـامـل غـصـب خـوفـن إيـطـيَـر
مـن خـوف لا يكسـب ملامـه وتوبـيـخ
غـيــر الـتــردد والـخـجـل مـــا تـخـيَــر
يجري مثل جري المحاله على الصيخ
ولــو كــان راع الشـيـب لجـلـه ايعـيَـر
مـا شابـت اعـزوم الـرجـال المطانـيـخ
تاصـل لـو ان حـبـل المواصـيـل شـيَـر
وتصقل مثـل صقـل الجمـر بالمنافيـخ
والـعـرف مــن جــال الجهـالـه امـذيـر
والعـذق مـا نـكـس بــه الا الشمـاريـخ
مــا هــم بـمـثـل الـجـاثـم الـلــي تـثـيَـر
مــا كــان ذاق الــزاد لــولا الطبـابـيـخ
وكـثـر الـحـذر مــا ينـفـع الـلـي تطـيَـر
والـحـي يبـقـى لـورمـتـه الـصـواريـخ
ودرب الــعـــواذل لـلـنـشـامـا امـقــيَــر
عـلـيــه تـسـمــع لـلـحـذايـا تـصـاريــخ
مـن ضـاق منهـم شــال بشـتـه وسـيَـر
اهـل القلـوب الـلـي صـداهـا صلابـيـخ
.. بن فطيســـ ..
______
رد مع اقتباس