يمتة بهل الوطن نتعلم نعيش
ويمتة نجوز من هاي يمته
أمس شفت الوطن مايكدر ينام
ينام شلون والأذيابة حارسته
عدنه الجوع صارأحلى عنوان
وذل وبوك بس وياك شفته
جنت انت جبل ماتهزك ريح
وهسه بنفخه هوه هناك شامرته
ملك انت جنت والعرب خدام
بس كلي تاجك وين ضيعته ؟
وطن أنت صدك بس ما أمن بيك
أأمن شلون وانت اصبحت غدار
جنت هيبة وفخر وعكال عالراس
وبصفحة حياتك كلها تذكار
أخذت أمي وأبوي وأنة بالاحضان
وصرت بغيابك ألكالك أعذار
عفتك ياوطن ومنك أتبريت
أمرلك اي صدك مرة الخطار !!
صح أنت جبل بس جبل مهزوز
هم شايف جبل من دفعنه ينهار
خشبه أنه صرت وانت بيه النار
وفوك نارك صاحبك منشار
كافي من الحزن بس نزرع اموات
وكافي من أخويه يحطني بالنار
محتار بيك وأنه وياك موجود
ما موجود هم وياك محتار
أنت خاين ياوطن والمثل شيكول
أمام المايشور مابعد ينزار
جنت أحلى نغمه أسمعنك ... وطنه
وليالي السود جوه الكاع ... وطنه
ياعراق صرت بس الأسم ... وطنه
أبوس تراب جدمك وتكصلي أديه
رد مع اقتباس
المشاركة الأصلية كتبت بواسطة عــبـــدالله الــذهب
