يا مسيحيين العراق يا ابن اول زرع
جذرك بكل قلب باقي شلون جذرك ينشلع
انت مثل القصب عالي يقطع وما ينقطع
ايش ما تقص فيه المناجل يرجع اكثر يرتفع
يا مسيحي العراق يا صبر خيط الشمع
مهما تشند الليالي وعلى بابك تجتمع
تلقى الف جمرة تلالي والف جويسة تشع
يا مسيحي العراق يا سبع وابن السبع
انت اصحابي ورفاقي وربعي واجمل كل ربع
ارد احلفك بالمآسي وبالسجون وبالقمع
وارد احلفك بالليالي وش كثر حرقن شمع
وارد احلفك بالمآقي وشكثر شالن دمع
لا تغادر شجرة امك مهما يتردا الوضع
ولا تغادر بير جدك وانت من اشرف نبع
اثبت وقلهن عراقي واسألوا الحق والشرع
انت مثل الجبل باقي والجبل ما يندفع
يا مسيحي العراق يا صبر خيط الشمع
انت مثل الماي صافي واحلى من في النبع
وأنت مثل العطر راقي وشلون منك ينشبع
وانت في الدم كل عراقي وهم شفت الدمع ينتزع
يا مسيحي العراق يا طبع واجمل طبع
انت صح دافي وطيب وحس الك ما ينسمع
وانت صح ناعم وحبيب ومن حلاتك تنفدع
لكن اقوى من الحديد وانت اشجع من السبع
جم فهد بيكم تعللى وعلى المشانق نرتفع
وجم مسيحي ومثل تلوا ومات وما خان الربع
ويا انتو اول شجرة حرة وكل اصل منكم فرع
كل صليب انصلب ثاني ومنقمع وجيتو القمع
ومن منفى الى منفى اخر وسبحتك ما تجتمع
كافي احزان ومآسي كافي آهات ودمع
وصار مية عام تبجي وش حصلت من الدمع
قوم اصرخ علووو صوتك وسمع اللي ما ينسمع
الدني مو حق الدمع الدنيا من حق السبع
وانت هذا الوطن هو الك بالوقائع والشرع
احذر تغادر بلادك واحذر تغادر بلادك
ومن عراقك تندفع
وين الارض وهذي ارضكم
واللي يقبل بيك يقبل
واللي يرفض ينقلع
للشاعر غيث الخزرجي
رد مع اقتباس
المشاركة الأصلية كتبت بواسطة بنت المرهف
