يا فريع الحنة
ب نوارو شايل
رويان بالمحنة
فيك شردت عقول
وعافتك المظنة
ليك تهدى الود
عشمانة فى ودادك
تنعم بى وصالك
ومن ديمة خصالك
الزاكية تهطل مد
ترتوى بالوداد
سكراً يفوق الحد
اسكرت النسايم
نفحات عبيرك
ودثرت الورود
قطرات نداك
امه راضيه عليهو
كل من نال ودادك
وغرقان فى شقاوتو
كل محروم وصالك
ومكتوى بى جفاك
بيك طاف الخيال
ابها اية من الصور
روعة جمال
مزدان خصال
لولى وعقيق
فى الشهد قابع مندثر
ياعبق الاقاحى
يا احلى أنفاس الزهر
يافريع الحنة
الشامخ فى علاهو
إن هب النسيم
زاد روعة بهاهو
وإن طل الربيع
عم وفاح شذاهو
وإكتست الورود
من طيات نداهو
هبت نسايم الليل
من روضك عبير
وانفاس الزهور
جات عند الاصيل
باعطافك تميل
تاخد من خدودك
الوانها وتشيل
تكسو الطيف جمالك
وبى عبقك تدور
بقلمى / ود جبريل
رد مع اقتباس
المشاركة الأصلية كتبت بواسطة فهد الزيادي
