الى اعداء ال البيت
اشد اعيون جرحي بحضرت السجين
ولو جرحي وكح مايقبل بشده
اكو منها الجروح عيون بيها تشوف
والعين التشدهه اتيه الرده
ولكن جرح يعرف نبلة الغدار
بس سهم الغفل من يكدر يصده
ولنفرض قصتك لا سامح الله تصير
واقنع بالتكوله وما اقف ضده
واسلملك جدل ان الحدث ما صار
والسولف القصه القصه من سرده
ومحمد ماوكف يوم الغدير وكال
علي بعدي الخليفه ومنجز العده
وعلي مني بمثابة منزلة هارون
عهد الباري هذا وبلغت عهده
ومن كنت انا ماقالها المختار
ماقالوا بخ بالفتحه والشده
امير المؤمنين تعلي بعض الناس
ما محتاج حيدر منصب يصعده
علي غايه
المناصب كلها تتمناه
يم اعتاب نعله اتطول السجده
واذا رايد تسولف سولف باثبات
والحجي التكوله اتجيب اليسنده
واخذ اول سؤال وجاوب انته عليه
علي ياخصله بيهم توصل لحده
ابتلوا ال الرسول بدفنة المختار
وتقسم حصص اصحابه من بعده
ولا اعني بكلامي اصحابه ياهو الجان
اكو خارج سربهم سافر بوحده
واكو ثلة صحابه تحملت اوزار
واكو صاروا حزن وبغيبته اتبده
وتجاعيد الحزن خطت ملامح موت
بشفاف الرساله وطاحت بشده
ويفك حيدر حزنها ويحسم الموضوع
ويرد اليناظر حاير بدرده
واخيرا راح اكلك سر سفينة نوح
لو ماناخي حيدر بلعته المده
وبسم حيدر تنخت مريم العذراء
من حاجاهه عيسى ورادت اتولده
وفتح موسى البحر من طاح بين امرين
بحضر ياعلي مروتك يبو الهده
فضل حيدر مثل فضل الشمس عالكاع
يا كاع التعيش بلا شمس خده
واخيرا لاتقارن ناسك بهالناس
ياهو من الخلايق شملته البرده
تلاحك ماتبقى وانته باخر شوط
ترى مهدينا سيفه براسك يحده
احدى قصائد ديواني الجديد المنشوره في صفحاته
بقلمي المتواضع والخادم امام عظمة
اهل البيت الذين ارجو شفاعتهم ورضا
الله بحبهم
رد مع اقتباس
المشاركة الأصلية كتبت بواسطة أنوار الولاية
