تراواك
وتراوه الليل ونغامي
واقره ابخت ذكراك
لسهام التمر بسهامي
انشد عل يضحكون ؟؟؟؟
دخانهم بيه انوجد وعيونهم موش عيون
عل مغازر توج بالروح
وتنشد عليه النوح ........
يابويه صلفه شكثر
واطراف اديهم جمر
لجوهم صفره شكثر
مابيهم احد بشر
وشكولهم جنهن شمر
اخ ... اخ
يا ولفي ما ينحمل
جاعيطه صار الجرح
وجناحي حيل انكسر
ذاك اليرف للصبح
والسهر.....
السهرما ضل سهر
والصفنه صارت عمر
خطواتي دنيه صبحت
كل خطوه حفرت كبر
واهمومي غيم وبرد
وسنيني صارن جرد
يل من عشكتك عشك
ما ضن ورق ينحرك
هذا اني مرقد صرت
والعلك بيه انمسح
امرادي كومه انعطه
وما ضنه خايب طلع
وانه الحسبتك وفي
من بيه مره اقسمت
ذجاب قسمك شكف
معقوله ما شورت
ولدكلي لا بد تحب
ولازم تصح غيمتك
ولدكلي غيري شكثر
تلكه بكثر لهفتك
شيفيد لو مطرت بعد
حض مكبره وطاح المطر
شيفيد لو غيرك اجه
هم انسه بي ذاك الحضن
ما يرهم اتراب العشك
الغير شخصك يندفن
شحجيلك اني آمن القهر
اتواسه ليلي ويه الدمع
وبجيتلك حتى الكمر
شحجيله لو مر الكمر.........
ومعاتبي يصير المسه
ويه النجم لو بس سهر
شحجيله لو صار السهر.......
وصبر وكول شبعد يا عمر منك عمر
شتاخذ تريد شبعد مو صرت عكس البشر
وتعده هذا الحال
اتمايل ويه الوكت وتناسه همي الكال
جا بعد شنهي الصبر
فزت واخذت الفال ..........
وركض وكول ارجعت
اصرخ وكول اصبحت
اسعيد انه وصرت جا شلي بالدمعات
ورجع ولاكي الحال ينشد على البي امل
وتنادس ويه الجرج
كل ساعه اكله شجره
وايكلي نفس الحال
هم بعده ويه الكلب
والباب ذاك الباب
كل ساعه اضن منفتح ورجع وشوف الجره
والكاه صوت الهوه يطرش طرش بالباب
وتناسه همي الصرخ ياولفي عيطه الجرح ؟؟؟؟
حتى اضغط اعله الكلب ورجع وكول اسراب
ورجع واكول اتهون
لسنين التمر اتمون
وتتساهل شما تمر
ويميل ذاك الوكت
ويصبح اكيد وياي
وارد الصنم منصنع من طين راخي اهواي
جا هيج اضل يا زمن اتعب وكول وياي
ولنوبه حاير عمر
شاعر وكود الدرب
لك هم شايف انت البشر
يعزف جرح من صدك
هذا اني عازف جرح
والحان عندي اهواي
يا عمري ابشرك لون
لا تفرح انت بزمن
موش الك صار الولف
وجروحك انت شكثر
خضره وابد ما تجف
يا عمري صار الصدك والخلك ضاع الخلك
وهمومي كومه شكثر ما ضنها ابد تنترك
لمناغش شما يمرعل بال ذاك الكلت
بيها اني احبك واحب ضحك الوكت عل وكت
هسه الوكت ثار اخذ
من عندي مر وحصد
دمعاتي ذني الرثن
وبشعري اخذن اثر
لك الك اي بل الك
موش الغريب ارتثن
يا نبع ماي الجفن
ياريت بس لو ترد
رد مع اقتباس
المشاركة الأصلية كتبت بواسطة abas satar
