صدر امر الاله وتوقع المرسوم
وبالمرسوم كل ورد الرساله اثمر
وتمت بيه نعمة ربنه عالاسلام
وكمل هالدين كله بصايته وأزهر
جبريل استلم امر الاله وطار
فرح بالايه كلبه اليوم واستبشر
مكتوبه اعله جنحانه كتابه بنور
عطر الجنه منها يفوح والكوثر
عله جنحه اليمين اسم النبي مطرز
وحيدر بالولايه اعله الجنح الايسر
هبط يم الغدير وغايته التبليغ
عن اعظم قضيه ومسأله واخطر
وكف خلف النبي من الشمس غطاه
واجمل لوحه للاملاك هالمنظر
كله ياحبيب الله الامر محتوم
كتاب من الكريم أعليه ختم وامهر
الباري اوياي يبعثلك سلامه بشوك
ويريد اليوم كل هذا الامر يظهر
لا دين ورساله اتم يبو الزهراء
لون مو حيدر الكرار يتأمر
وناده المصطفه وبعيونه نور افراح
وشرح أمر الجليل بحكمته وفسر
كال اللي جنت مولاه علي مولاه
قرار أ من العظيم الصدره وقرر
الهي والي كلمن يتبعه اوالاه
وخلي الماينصره بآخره يخسر
وعادي ياالهي الضده والعاداه
وخل كلب الحقد بأحقاده يتفطر
تمت بالولايه نعمة الاسلام
من بلغ نبينه وبعلي بشر
وكلهه تصيح بخآ ياعلي بخآ
وكلهم بالولايه بايعو حيدر
علي شمس الشموس ومهجة الاسلام
علي درب الامان بغيره نتعثر
علي سيف الاله وكل فخر للدين
علي بدمه وحياته للنبي آثر
علي نور الرسول الماخمد فد يوم
علي القران بيه الناس تتدبر
علي بمنزلته جن هارون من موسه
علي باب العلم يمه العلم خضر
علي شمايمشي يمشي هالعدل وياه
علي والحق ابد ما عنه يتكتر
علي الثبت درب هذا الشرع بالسيف
علي الخله هبل واللات تتكسر
علي الخله اليهود من الرعب تهتز
علي طش الفرح حين الفتح خيبر
علي قالع الباب بهمة الايمان
علي الكرار يشهدله الطعن والكر
واذا كلنه علي كالو شرك بالله
واذا كلنه الولي تاليهه نتكفر
علي ولولاك جا فكر النبي دفنوه
وتظل تزهي الظلاله والشرك يكثر
علي ولولاك جا ضعنه يبوالحسنين
وجا فكر الرذيله اليوم يتبختر
علي ولولاك جا هذا الوطن ينباك
وما يبقه عراق وبيه نتذكر
علي ولولاك جا مهدي الأمم ميكوم
ولا يبقه بشر للمهدي يتنطر
ولايه
مثله منولد واحد ولايه(لم يأتي)
من رب العرش عنده ولايه
احاديث النبي تشهد ولايه(والآيه)
علي الكرار امام الهالبريه
اهل الابداع
منقول
رد مع اقتباس
