ولك داعش طول خلكي وابد ما ساحب أقسام
اذا نرمي ترى غيم السمه نشكه
وإذا نفقد نعوف هوانه بالهدات
ودخان الفشك بالموزمه نشهكه
جنت انت وكت حربك تشيل حجار
ولك من تالي جاي تحارب بتفكه
يداعش لحك بروحك كبل لاتموت
ترى باب التروي راح انه اسده
غيور سلاحي من ارمي يهلهل موت
جبل من المراجل تفكتي تهده
تريد تردنه بيدك لا ابد والله
ترى اليهوه المنايه مو سهل رده
انه نيتي بصفات الأبيض المعروف
اذا ازرع فشك يطلعلي جم ورده
بو فاضل منه أخذ بعض الدروس
مثل حبه وفائه غيرته ومجده
تعودنه شياطين الجبن هاليوم
الجبن عندك يداعش ادري ومخلده
شياطين الكفر رفضو عمل داعش
وأبليس اليضر كام انكلب ضده
قسم بالله اراويكم شني السباع
واخليكم جنايز وحده يم وحده
يضل عالي العراق بروس الاسلام
وداعش للايمه يوصل شحده
رد مع اقتباس
المشاركة الأصلية كتبت بواسطة بنت الوطن
