طلع مو بس علي! استنسخو منه اهواي! الشاعر حسين الساعدي
الجائزه كارت رصيد (10 $ ) لمن يكتب ما ذكرته بالقصيده من اسماء وألقاب التي تخص الامام علي عليه السلام؟؟؟؟؟؟
!!!!!
خلاني العدد متحير ابدنياي
مدري اچم ( علي ) ابدنيانا ونذكره!!
,
حسبالك مطر ويقسم ابهل ماي
لأن كلها حضرها ابساعة العسره!
,
هذا المرتضى؟ لو حيدر الوياي؟
لو هذا الامام الكافل الفقره؟
,
يتقسم (الواحد) والدليل ابهاي
هاك اخذ الارقام الزادت (العشره)!!
,
ياهو الندب باسمه يعتنيه عناي
ابنص المعارك ناصر ايحضره,,
,
انطيك الدليل ابفزعة الوفاي
ابنفس الوقت تحجيلك الكثره!!!
,
يقسملك الاول حاضر الحماي
اول ما يندبه الاشجع ابكتره!
,
والثاني اليكول المنجد ابلواي
كرار الهواشم يمي وأتذكره!
,
والثالث الكال الاورع ابيمناي
جان وباليسار القائد النظره!!
,
والرابع يكول الفزعتي ابملكاي
كدامي الجثث خلاها مِطَشره,,,
,
والخامس يكول ابصولة الكفاي
بجيوش النفاق امثبت الطبره!!!
,
والسادس الكال ابندبت الفداي
خلصني الصميده ابشدتي الخطره!
,
والسابع اليقسم عَدل ابممشاي
من طاحوا ابسيفه وصارت العثره!!
,
والثامن يقينه الثابت ابهل راي
وليد الكعبه يمي واشتم ابعطره!
,
والتاسع وعاشر والأسير الجاي
الاسد خلصهم وعَبرهم العبره!
,
محتار ابلغز (واحد) يصير اهواي!!!
أنطي (الجائزه) الكل (مبدع) ايفسره!
,
( عند الميمنه) (وبالميسره) العناي!!
ورايات (الوسط) خلاها مبتشره!!
,
كلها ابوقت واحد بلله فكرو اوياي!
اشلون اتقسم وينطيهم النصره؟؟؟
,
طارح هالسؤال ورايد الشراي
محتاج الحكيم اليشرح العبره!
,
الأول *الاخر* كاسر* وجناي
اَحسبلك مناقب وأفهم الفكره,,,,
,
عندك حيدره وكرارها العطاي
وابو الحسنين حاضر ويده متحضره
,
وياهم علي ويتشاورون الراي
وحماي الحمه الميثني بالطبره,
,
ابو اتراب وامام المتقين الجاي
وي عالي المقام ورايته ابكتره!
,
سر الله العظيم البصلاه بجاي
بس ضحاك يوم ايبارز الكثره
,
ذو القرني أمين الامه والوفاي
اركان الهدايه الداخو ابسره!
,
الصفوه القسيم الأنزع الرماي
باب الله الخليفه ونفس ابو الزهره!
,
الفاضل المفرج طاهر الشفاي
عمود الدين هارون ابوصف ذكره
,
سيريك وبراي وحبتر وأراي
عد كل الأمم اسماء البذكره!
,
القسور الضرغام الفارس الحداي
القاضم الهادي النافذ ابأمره!
,
ابو الليثين فقاره اليضل كفاي,
أبو الثام الدليل الغالب ابنصره
,
المنقذ الحاضر شافع ابرجواي
المكسور اليندبه ابكسرته ايجبره
,
القاقب شهاب الأامر النهاي
باب العلم غالب قاصم الكفره,
,
أمير المؤمنين الاوحد ابدنياي
التقوى العمود المنتهى الشجره!
,
الغيث الرَضي الهاشمي الرضاي
المكي الابطحي الرايته منتشره
,
داحي الباب منقذ دمعة الشكاي
هزام الاحزاب اليكرم الفُقره
,
المعدن الحكمه الصادق الحجاي
اذا خَيم الخوف ابساحة الغبره!
,
القاضي السحابه السيد الهداي
المظلوم المكين الاشرف ابقدره
,
أول مؤمن البعد الرسول ابهاي
وجبريل الخطبله الطاهره الزهره
,
ابو الريحانتين وشُبر ومولاي
الاحياء والاموات اللاذو ابقبره!
,
الصِدِيق الاكبر يوشع اهل الراي
والفاروق الاعظم والوصي ابكُبره
,
الغضنفر والمغيث الشاهد القراي
وقنسوم ومعين وأريا ابدهره
,
الولي واللا فتى قبله ولا بالجاي
والليث وإبن عَم منبع العتره,
,
الحصن الحصين البلحشر كفاي
قسيم الجنه والنار التحت امره.
,
الموت أحمر مدمر كبكرا العطاي
قبروق الأصب الضاهر الشهره!
,
مظهر بلعجائب بالوعد وفاي
المحراب وشهيد ابسجدة الطبره,,
,
النبأ العظيم,, وايليا السقاي
ساقي الحوض يوم الموعد وحشره!
,
مغصوب الحقوق الخالفوه بالراي
كدام البحر ما عادلوا قطره!
,
اسئلكم سؤال وركزوا ابمعناي ؟
المايكدر يجاوب رايح انعذره!
,
أوصافه الشمس بس هم يصير افياي
سور اعله اليتامه ابشدة الحَره!
,
هوَ اشجم علي؟ والجاوباني ابهاي
أنطيه جائزه وادعيله بالحضره,
,
طلعوا من (علي)× مستنسخين اهواي...
حتى امة محمد تبقه منتصره,,,
حته امة محمد تبقه منتصره
حسين االساعدي*
رد مع اقتباس
المشاركة الأصلية كتبت بواسطة بنت الوطن
