درر العراق

محمد الساري · 20/July/2014

صوت نادى من السمه الكل سمعتـــــــه
گوموا أبو الحسنين طـــــــروا هامتـــــه
صوت اجانه من السمه أ يصيح بغضب
شيــب ابو الحسنين بالــــــــدم اختضب
يبن ملجم بيــــــــــك ضيعـــت التـــــعب
لعنــــة الله اعليـــــك يلعـــــن خلقتـــــه

صوت جبريل الوفي اعليـــه الســـــلام
أنهدم گال الدين من طـــــاح الامـــــــام
أشلون أبن ملجم أخـــــــذ شورة قطــام
حقد عدهـــه على الامــــــام وغرتــــــه

صوت اجانه أيـگول دگوا على الصــدر
گوكوا الطموا الدين ياشيـــعه انهــــدم
شتنفع الحسرات شفيــــد النــــــــــــدم
وبالــــدم الكــرار صبغـــــو شيبتـــــــه

ريت چـفك يبــــن ملجم بالشلــــــــل
ليــش خايب گنطرت خيـــــر العمــل
يتميت الديــــن كلـــه بهــــل العمــل
لايفاجر خلــــه ....يكمـــل ركعتـــــه

لوله ابــــو الحسنين ما عــــابد عبد
اله رب الكـــــــــون بكتابـه شهـــــد
اليلـــــه أبو الحسنين يرحـــل للابــد
خلهه فوگـك الروس تلطـــم شيعتــه

علي المحراب من دمه تدمه
و شكثر لعـد ربهـــه تدأمـــه
علي حبــه فلا قــوه تدمـــــه
علي بدنياي أحبـــه واخريـــــه

علي حبه أبصميم احشاي لساع
وبابه أمشرع بكـــل حين للساع
جمر للي يكرهه هنــــــاك لساع
وثواب أمحبة الجنه الزهيـــــه