وين الكاك؟؟
أروع المساجلات
من مساجلاتي القديمه مع الشاعر العملاق حسين الساعدي
ايام المنتديات سنة 2009
///////////////////////////////
مريم حسين
وين الكاك؟
اذا وقتي سمح وتعنه لهنانه
اشوف الناس بس ما شوفك اويانه
ترضاني وأرد ابروح حزنانه!!!
يبو ملكه الحلو متعطشه الملكاك
وين الكاك؟
؛؛؛؛؛؛؛؛؛؛
حسين الساعدي
حَضي وألتقي وياك ما يرضه
تتعناني وأمشي ابجيتك ابلحظه
مو كالو ابنادم كلمن وحضه
وشبيدي إعله حضي الما جمعني اوياك
وين الكاك!
///////////////////////////////
مريم حسين
يسمونك الساهر والدمع فاير
ومكسور ابغربتك تكسر الخاطر
ياشاعر المثلك ما يجي شاعر
وبكل منتده أشعارك تضَوي اهناك
وين الكاك!!
؛؛؛؛؛؛؛؛؛؛؛؛؛؛؛؛؛
حسين الساعدي
طيفك جان سلوه ابغربتي وياي
شحجيلك بعد يل ما دريت ابهاي!
راح الطيف مني وظلمت دنياي
وحتى اطيوفك انكطعت على اليهواك!
وين الكاك!
///////////////////////////////////
مريم حسين
جبت طيفي واجيتك والهوه اتبسم
ولكيتك ويه غيري وجنت تتحلم!
إورَديت إويه طيفي وجنه نتألم
أنه وطيف عمري انسولف ابطروك!
وين الكاك!
؛؛؛؛؛؛؛؛؛؛؛؛؛؛؛؛
حسين الساعدي
وَحَك إطيوفك انته اوياي متوهم
صَحيح اتحلمت والليل جان أضلم
بس لعيونك الحلوات جنت أرسم
ما شفت الاصباغ امطشرات اهناك!!
وين الكاك!
///////////////////////////////////
الى اللقاء في مساجلات قادمه
مع اجمل التحايا
رد مع اقتباس
المشاركة الأصلية كتبت بواسطة أحمد الناصري
