السلام عليكم ورحمة الله وبركاته
ألك ارفع علم حبي ورايه
وحذرك لا تحب أحد ورايه
وحك من أنزل الآيه وره آيه
أضل أهواك لآخر نفس بيه
===============
شعجب بطلت يلغالي تراسل
ودليلي بسبب فركاكم تره سل
عليك الصبح والمغرب تره اسأل
واكول اشغير الغالي عليه
===============
روحي وياك ماأكطع وصلها
وافرح لو خبر منك وصلها
الخوة وياك معناها وصلها
نفس انته وتظل اروح بيه
===============
قلم كلبي تداين ورقة منك
لان ماكو بجمالك وارقى منك
انا بيدي اسجلك ورقمنك
و اكتب لافتة محجوز الية
===============
الك نجمة وسط كلبي علم دار
تظل دوم انته يالغالي علم علدار
غلاتك تسوة ميماتي وعلم دار
والسكندر يقدملك تحية
===============
سكر عسل كل من ضاك نفسك
أكوغيرك حلو بس ماكو نفسك
تمنيتك حبيبي تبوس نفسك
بس بداخلك تنويهه أليه
===============
اريد امشي لحبيبي بليل عناي
واسالة بياسبب زعلان عناي
اريد اشرح غرامي بحزن عالناي
بلكت ينكسر كلبة علية
===============
بفراكك جمر ابجي ونيران
يهل وجهك يشع رحمة ونيران
تمنيت العراق انت وانيران
وحدودك دوم فتحهن عليه
===============
وحق من وصه يونس بالرساله
حرت شكتب شكولن بالرساله
لو اني الكب يوصل بالرساله
ادز اليوم لل يسئل عليه
===============
اسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية
===============
عليك العين مو دمع تكت الك
وجروح البيه متحلفه تكت الك
احجزت من كلبي تكت الك
دسافر روح لا ترجع اليه
===============
ملاك من السما نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انته عسل لازك بديه
===============
هوى المحبوب ماينكشف بسحار
وكلبي مابرد وياك بس حار
الك مديت واير عشك بس حار
ينتلك لو كطعت الوصل بيه
===============
وحق الناي من يعزف وخنته
ابد ما عاشرت صاحب وخنته
حبيبي وصاحبي وروحي واخي انته
وانتة الرمز للخوة القوية
===============
جميل انت والاجمل بيك خطك
ويهنيال الصورك بيده وخطك
اريد اسأل يغالي شنهو خطك
اذا زين العراق اتصل بيه
منقول
رد مع اقتباس
