هنا

[NO OR]

استاذ الرياضيات جان كاتب ع السبورة ( نور مبدعة) و طول السنة ما مسحها لان بوقتها تحديته باشتقاق قانون وكدرت اشتقه
..
مدرسة الكيميا اخذتنا من الاول متوسط للخامس اعدادي
بالثاني متوسط كلتلي انت اول طالبة من تعينت لسه انطيها درجة كاملة ع اليومي لان مشفت بذكائج و مرة بالامتحانات كلتلي انت الوحيده الي تكتب الناتج مضبوط بالأعشار عبالك حاسبة مو بشر و مشبعتني هواااي كلام
..
معلمة الرياضيات بالسادس ابتدائي جانت مستحيل تمدح طالب او تكتبله شي حلو بالدفتر جان مرة كومتني كدام الشعبة وكلتلي انت وردة ماكو منها اثنين
..
بالسادس اعدادي انتقلت لمدرسة جديدة مال سجاجة وبنص السنة جبت ١٠٠ بالعربي
ف اجن مدرسات اثنين ياخذن عربي غير شعب ع مدرستي كالن الها وين نور الي ماخذه ١٠٠ و راوتني الهن و كالن من تأسست المدرسه ب١٩٨٠ لليوم ماعدنا بنيه جايبه ١٠٠ بالعربي وفتحن الي دفتري وكاتباتلي اطراء كلش حلو ع الانشاء
..
وبعد هواي كلام و مواقف ماكو مدرس او مدرسة مر بحياتي ما أثبتت اله نفسي،،
كلش حزينة ع وضعي الحالي
املي انو اخلص صيدلة بسرعه و مباشرة ادرس المجال الي احبه و ابدع بي

[العراب ']

بالسادس الابتدائي ..انت مستقبلك لو شرطي لو سايق تكسي لو فيتر سيارات .. من ست كريمة مديرة المدرسة الابتدائية .
بعدين نجحت وطلعت الثاني على المدرسة .
.....
لو تعوف الدراسة وتساعد أهلك بالبيت احسلك ، انت وضعك ما يشجع ولا مال دراسة . من استاذ عبد الرضا . معاون المدير ومدرس التاريخ بالثالث متوسط.
بعدين نجحت من الثالث المتوسط وطلعت الثاني على المدرسة .
.......
أكص أيدي إذا نجحت من السادس الاعدادي ... من مدرسة اللغة العربية ست فوزية .
بعدين نجحت وطلعت الثاني على المدرسة .
.......
إذا تبقى على هذا المستوى ماراح تشوف النجاح ولا التخرج .. من دكتور عبد الفتاح . رئيس القسم .
وبعدين نجحت وطلعت الثاني على القسم .
.....
وبعد كل هذا التشجيع والدعم من الاساتذة والمدرسين هم طلعت الثاني على الدفعة بالماسجتير .
والحمد لله بقت خطوة بسيطة واكمل الدكتوراه . وان شاء الله اطلع الثاني على الدفعة .

[❀aşk çiçeği❀]

هو مو كلمة بس موقف بالابتدائي صف رابع جنت ثاني رحله معرف اول رحله درس رياضيات جانت معلمة كلما تكوم وحده وتصفن اني جاوب من من مكاني فعاطت بيه كررتها مره ثالثه فجان تضربني راشدي منها كرهت الرياضيات وكرهتها

[الغريب الهارف]

بزازين ملح