العراق يحتضر و ليس هنالك من مسعف ؟؟؟؟
ما تعبتوا؟ ما مليتوا؟ ما شبعتوا من السكوت؟
ما شبعتوا من النوم والقبول بالوضع التعبان؟
شباب مصر احسن مني و منك؟ شباب تونس احسن؟
بمصر وبتونس جان الوضع موزين وانتفضوا يطالبون بحريتهم
احنه مو بس الوضع موزين احنه اصلا ماعايشين لا خدمات ولا وضع و لا تعليم و لا حريه
شلون تقبلها اختك المسيحيه يغتصبوها بالموصل كدام اهلها؟
اخويه ابن الجنوب و ابن الغربيه والكردي ليش متعتبرها هاي اختك ؟
هاي مو عراقيه منك و بيك مو بيوم من الايام ابوك و جدك جان يقاتل لحمايتها ؟
ليش تخونون الامانه اللي حملونياها ابائنه واجدادنه بحماية العراق
دون التفرقه .... المسيحيين اللي بالموصل مو قاتلوا علمود العراق كله ؟
شلون تقبلون يهدمون الكنائس بالموصل هاي مو بيوت عباده؟
اعتبرها حسينيه يا ابن الجنوب واعتبره جامع يا ابن الغربيه تقبلون يهدمون بيوت عبادتكم ؟
هذوله هم اهلنه ومن العراق وصارلهم الاف السنين بالعراق
ليش تخلوهم يتذكرون انه احنه وكفنه نتفرج من جانوا يعتدون عليهم وعلى حرماتهم
هذا نداء لكل عراقي شريف تره العراقيه اللي يغتصبوها هي اختك
بغض النظر سواء مسيحيه او شيعيه او سنيه او كرديه
المهم هي عراقيه واذا فعلا عندك غيره عراقيه ماراح تسكت عن هذا الموضوع
و الاب المسيحي اللي انتحر لانه اغتصبوا بنته كدامه
مفروض تحط نفسك و ابوك بمكانه ومتبقه ساكت
اسفه لان طولت لكن والله هضيمه
رد مع اقتباس
