درر العراق

3laa · 18/July/2014

مجنون من اول مهد
ما ريد دنيا و لا ولد
وياك ما عوفك أبد
يا ابو حسيــــــــــــــــــــــ ــــــن
**********************
امي جانت من تندبك
بالمهد انا ابتسم
ابقى ابجي و جن اكلها
يمه عيديلي الاسم
من عرفتك ما عرفتك
لاكن بعيني رسم
بس عرفتك ما يحبك
بس ابو النخوة و شهم
محبوب اغلى من الهوى
اهواك يالــ إسمك دوه
منك سطع اول ضوه
يا أبو حسين
**********************
انا ريدك يمي تحضر
لو مشو عني الأهل
قبري اضلم و انا خايف
شحجي لو منكر سئل
و الصحيفة سودة كلها
ما يضل عندي أمل
لو سألني ما أجاوب
بس عشكـ خير العمل
يا ابا الحسن إني بخطر
لو ما تجي وين المفر
بحماك لو منكر حضر
يا ابو حسين
**********************
لا يحجبك عني ذنبي
و انت ما ضن تنحجب
انا أعلم عن ذنوبي
يا علي ما تنحسب
ما اضنك تبقى ساكت
لو شفت دمع المحب
ما اجاوب بس أحبك
حتى لو حبك ذنب
حاشاك تنظر حيرتي
تتركني وحدي بغربتي
لحسين سالت دمعتي
يا ابو حسين
**********************
إني خايف أدري صعبة
يا علي وحشة القبر
ابقى وحدي اهلي راحوا
ما بعد صاحب يمر
يا إمامي تدري بيه
ابجي لحسين شكثر
حافي أمشي و أعتني ليه
أبجي و ألطم ع الصدر
ما أنسى يوم محبته
و بروحي شايل تربته
عمري كظيته بخدمته
يا بو حسين

**********************
للشاعر السيد : عبد الخالق المحنا

طبعت بأنامل العبد المذنب : علاء
الجمعة
20/شهر رمضان/1435هـ
18/تموز/2014 م