عشنه على الامل والقال والقيـــــــل
وكتبنه من الصبر كومت مواويــــل
وفتحنه ابيوتنه للراح والجــــــــــاي
نضحك من غصب ودموعنه اتسيـل
توسدنه الحزن بفراش الهمـــــــــوم
وكح طبع الوكت بجروحنه يعيــــل
دنيانا حقيره تمشي عكس الـــــناس
وي الفقره كلش كامت اتميــــــــــل
تعودنه اعله كلمه باجر اتـــــــهون
وكضين العمر بالعز والتواسيـــــل
راضين بخبزنه انغمس ادمــــــوع
واذا رايد بعد من دارنه انشيـــــــل
فقره وياك كلش بعد فد نــــــــــوب
ادينه امكسره ماتلزم المنديــــــــــل
كافي الياوكت انضمد اجــــــــروح
من كثر الالم ماضل بعد حيــــــــل
رد مع اقتباس
