أنقل لكم هذه المقاطع من القصائد الرائعة للشاعر عبد الحسين الحلفي
بمناسبة استشهاد الامام علي (عليه السلام)
اتمنى تنال اعجابكم
انت ياما الموت ناديته تعال
وهو خايف ماكدر يتدنه ليك
وهذا مو دمك علي عله السيف سال
هذا دم السيل ظل ينزف عليك
حتى عدوانك علي بيوم النزال
ياهو يبرز لوضرب يتنخه بيك
استحه عزرايين من دور عليك
وكتله هذا اني تعال اتدنه الي
قبض روحك روحه طاحت بين ايديك
لحد ماكلك دخيلك ياعلي
******************
جا غرك لولاك جا مات الاسلام
ساعدك والباب صارن كنطرة
احنه حب حيدر علي عدنه انواع
وأحله نوع نصير خشبة لمنبره
واحنه بينا الروح تبقه وماتروح
بينه حيدر روح بعد الغرغرة
ابد موخد حيدر عله الكاع طاح
الكاع شالت روحهه لخد حيدره
الكبر ضيجة واحنه نفرح من نموت
لأن كبة علي بصف المكبرة
******************
تشرفت باسمك لغتنا ياعلي
لأن اسمك بيها تنخاه اللغات
ابو تراب انته ولأن انته ابو تراب
لهالسبب جاز التمم بالصلاة
وانت تاريخك علي كله وفاء
منو حط التاء سواها وفاة
انت وميت علي لا مستحيل
واني متأكد واكو عندي اثبات
الحياة البشرية من تراب
يعني لوميت علي ماكو حياة
************************
وهلي ماكالو وليك حيدره
لا وحك الله فلو كالو هلي
واني بالكاروك واليتك لأن
هزت الكاروك كلتلي ولي
ماكو قاري وأسمع قراية عليك
الك منبر بالكلب يقره الي
بأي ولاده ليشي يبجي الينولد
جي ابن ملجم ضرب حيدر علي
تحياتي للجميع
رد مع اقتباس
المشاركة الأصلية كتبت بواسطة أبن ذي قار
