صوت الوحي كبر
وين انت يا حيدر
وكت الفرض صار بويه
وكت الفرض صار بويه
ضل خالي محرابك
ينحب على اغيابك
يتأمل أخبار بويه
يتأمل أخبار بويه
**************
اشلون امصاب صابك ما مثيله اصواب
احجبك عن طبت المسجد يا ابو الاطياب
و بدرك عن سما المحراب لمن غاب
ضل ينحب عليك و يسأل المحراب
يريدك للصلاة تحضر يا داحي الباب
كل ضنه يا حيدر جرح راسك طاب
تتنازف الطبرة جمرة بأثر جمرة
جرحك نزف نار بويه
جرحك نزف نار بويه
و محرابك اليلة للمدمع ايسيله
يتأمل اخبار بويه
يتأمل اخبار بويه
*********************
جزت ليلة و طلع يا حيدر المصباح
رفعت صوته المؤذن للأذان و صاح
يكبر و الدمع دم المصابك ساح
عنك ينشد بصرخة حزن و انياح
يكول اشعجب حيدر هذا ابو الإصلاح
تأخر عن صلاته المسجده ما راح
محرابك الخالي
ضل يبجي يالوالي و المسجد انهار
من سجدته احزانه تتراجف اركانه
***************
طبرت هامتك فطرت جبل صفوان
رسم جرحك على اعيون الدهر نيشان
هذا مسجدك موحش غدا و حزنان
و من ثكل الحزن تتراجف الاركان
يا من جرحك صبح محراب للأشجان
على دمك الينزف صلت الأكوان
هاليلة كل عابد يم طبرتك ساجد
هاليلة كل عابد يم طبرتك ساجد
و ادموعه مدرار
كل سجدة كل ركعة لو جمرة لو دمعة
يتأمل أخبار
******************
جانت كل صلاة تتنزل الاملاك
تصلي خلفك بمسجد الكوفة اهناك
اليوم اتغيرت يا حيدر الافلاك
ادارك نزلت املاك السما و تنعاك
بلهيب الطبرة جبريل اشترك وياك
و ميكائيل جنحه امخضبه من ادماك
جنح الملك يمك يتبرك بدمك يا حامي الجار
و صوت الحزن يدوي بالعالم العلوي
يتأمل أخبار
******************
ابن ملجم عليك اهل الشرك دفعوه
مثل كَوم التعنوا دارك و كَصدوه
المسجد مثل دار أم الذي انتهوك
و المحراب باب الدار من دفعوه
و راسك يا علي بسيف الكفر طبروه
مثل ما هشموا ضلع أمي و كسروه
ابهـــــــالطبرة أتذكر ضلع أمي و أتحسر
يا لوعة الدار بويه
و مصابك بعيني أغفى و يصحيني
يتأمل أخبار
****************************
اطلعت طلعة يتيمة و القلب مالوم
رحت للمسجد بحسرة و حزن و أهموم
شفت جرحك الدامي بكل ركن مرسوم
و بالمحراب روح أمي الوديعة أتحوم
أقسم وحك ضلع الطاهرة المهشوم
عكب هالليلة عيني ما يمرها النوم
************************
طبعت بأنامل العبد المذنب علاء
الخميس
19/شهررمضان/1435هـ
17/ تموز / 2014
و للإستماع اضغط هنا
رد مع اقتباس
