هنا

[abas satar]

السلام عليكم ورحمة الله كنتمنى تكونو على خير وبخير
كيف العادة مطولتش عليكوم وجيتكوم برواية جديدة نتمنى تعجبكوم ...وهي رواية'هل الارهابي يحب?!'للوهلة الاولى كيبان لينا باللي هاد العنوان غريب ومثير ولكن متخافوش مكاين لاقنابل لا والو هههه ...ولكن فعلا
الرواية كتطرق لهاذ الموضوع(الارهاب) واللذي من طبيعة الحال لايمت لديننا الحنيف بصلة وهو ليس الا فكرة مغلوطة كتسعى بعض الجهات تسريبها لعقول شبابنا المفعم بالحياة...على بركة الله نبداو الفصل الاول
الفصل الاول

نزلات جوليا من سيارتها الفخمة اللي كانت مركونة قدام الكلية اللي كتقرا فيها ....اتجهات للداخل وعيون الكل متجهة ليها ,وهذا طبعا راجع اولا لجمالها واناقتها اللي حتى بنت مكتشبههوم فيها وثانيا لتواضعها وطيبة
قلبها اللي مكتتصورش
نسرين هي بطلة روايتنا وهي بنت كيف دكرت زوينة ومتواضعة الخ ...هي بنت وحدة من اكبر سيدات الاعمال فالرباط ...وهي السيدة اسماء ...توفى ليها راجلها منين كانت ابنتها مازال صغيرة وخلى ليها الشركات
والاملاك وكانت وصيتو ليها قبل ميموت هو انها تكبر ليه بنتو وتربيها احسن تربية وفعلا داكشي اللي كان ...
جوليا-ايمن ...نسرين هييهو انا هنا !
نسرين -ايمن اجي تشوف جوليا هاهي ...
مشاو عندها فالطاولة اللي كانت جالسة فيها فالكفتيريا
نسرين-صباح النور الزين-وسلمات عليها
ايمن-الزوينة كيف دوزتي الويك اند?
جوليا-لاباس الحمد لله .وانتوما?
نسرين-غير سكتي ,علاه ماشي السي ايمن البوكوس معرفت اش دار لبابا وصدق محرم علينا نمشيو للحفلة
جوليا وهي هازة حاجب ومطلعة اخر وكتتكلم مع ايمن فدلع-ايمن قووول ليا اشنو درتي
ايمن-صافي ها حنا بدينا فالFBI زعما ضروري تعرفو
نسرين-بلا متصدعي راسك مغاديش يقول ليك ...انا راه سويت معاه ايمان ومبغا يقول لي
جوليا-ايوة صافي بلا منصدعو البوكوص ديالنا ونخليوه على راحتو هههه
ايمن-بغا يمثل عليهوم دور السي سيد-يلاه دبا نوضو قدامي راه الدرس قرب يبدا
نسرين وهي ضربو فكتفو-ههه شوف السيد تيق راسو -وهي تغمزو وقالت ليه-ايمن بلا متخليني نفضح المستور ههه
ايمن قرصها وقال ليها فوذنها-صافي باركة من البسالة
نسريين-ههههه
جوليا شافت ساعتها وقال ليهوم باش تتفدى الصراع اللي غادي يبدا-يلاه صافي راه غادي يبدا الدرس
مشاو اتجهو مباشرة لقاعة الدرس...
نسرين وايمن هوما اخوان توءمان ...احمق اخوين شفتهوم فحياتي هههه وبالخصوص ايمن اللي كتلقى جوليا ونسرين ديما كيدعيو معاه يلقى شي بنت الناس اللي دير ليه عقلو هههه ولكن هو عمرو ميديرو
هوما بثلاثة كيكونو شلة رائعة وcool الكل كيغار منهم فالكلية
فالليل وفالفيلا ديال جوليا:
كانت جوليا مكونيكطية فالتويتر مع نسرين ودار بيناتهوم هاد الحوار
نسرين-حبيبة جوليا بغيت نتكلم معاك فواحد الموضوع
جوليا باستغراب-وي حبيبة تفضلي ,ياك لاباس?
نسرين-لا ماشي شي حاجة غير بغيت نوصل ليك شي كلام قالو لي عثمان ولد خالتي
جوليا -شكون هذاك اللي كان عندكوم فالدار نهار جيت عندك?!
نسرين-هو بالذات والصفة...المهم الالة هو قال ليا البارح باللي من نهار شافك مازارو النعاس
جوليا-كيفااااش?!
نسرين-كيفاش كيفاش ? عجبتيه وبغا يتعرف عليك
جوليا-شوفي انسرين زعما راه حنا تكلمنا فهاد الموضوع ...انا مكنفكرش فهادشي دبا
قاطعها الدخول ديال فاطمة الخادمة تجي تخبرها باش تنزل تتعشا
فاطمة-لالة جوليا العشا راه واجد
جوليا -واخا ها انا نازلة
سدات فاطمة الباب وخلات جوليا كتضرب مفاتيح الحاسوب بخفة بواسطة اناملها
جوليا-يلاه دبا نخليك الزين ماما كتتسناني نتعشا
نسرين-يلاه بالصحة والراحة ...وفكري فكلامي

جوليا -باي باي-وسدات البيسي ونزلات مع الدروج فخفة باش تتعشا مع امها اسماء

[احمد جبر حمود]

شكرا

[ɱŭšⓣăⓕă]

شكراً لك..ِ

[رمـْـْْـْــــــــآڊ]

قصة جميلة لكن ما افتهمتهة كلش

[زهرة اللوتــس]

حرام اذا فهمت شي .. بس ع العموم شكرا ع المشاركة