سجينته بنحري وكلت ﻻ جذب
نحري الضرب سجينته وظل اثر
دايرله بال وهو داير وجه
منطيني ظهره المانطيته الظهر
غنيتله بصوت السكر ع الشرب
جن روجه سكرانه وتعد بالنهر
حتى الكرهني الخاطرك سايسة
من كلبي الاول لحد اخر بشر
وديتلك ويه الهوى اخر نفس
الردت اشهكه لخاطرك واعتذر
جبتك بشي يعبر حدود التعب
حاول يخونك كلبي بس ما كدر
شيبت راس الشمس بس ما شبت
تلكاني كلما تطلع اغزل سهر
كد ما اجر حسرات واحبس نفس
كمت انه احس بعيوني دمعي اختمر
وي كل قصيده اكتب انساك واحس
يخضر اسمك بين سطر وسطر
جنت احسب بريتك يطب جم نفس
وانطيك تعداد الهوى بكل شهر
من التفت جنت ارعب البرحم
طيفك رعبته وبيه ظل ما عبر
دمع البعيني يطيح طيحة طفل
ومن اسئله يكلي ياهو العثر
حظي وقسمتي وفركتك والجرح
واليهدي ناسك صفن كلهن حجر
بيدي انه جنت بريتي انزل الهوى
من عمره الاخضر كلبي حد ما كبر
بس هسه ﻻ غيري الاخذ قصتي
سنين ﻻزم سره وغيري العبر
بحلقة عرس رحت انته واتقشمرت
مو حالف انته وياي تكطع مهر
القاضي العقدلك جن عرفني وبجه
وكمت انه احسن علي كلبه انكسر
ضاع العمر جديتلك جم سنه
غركان ويجدي الهوى من النهر
وجه الكلب شوهته من الطعن
وركضته فوك الالم حد ما خدر
من تحجي وي روحك جنت التفت
والكاك تضحك وانه شابع قهر
كلما تجي كبالي انته وياه احس
عدني الكبر واللوم اذب ع النظر
كابلني وجه بوجه بس ما شفت
مو ما عرفته بوجه ﻻبس ظهر
الهوى بروحي ختنك بس ما كلت
مثل التحصره الدمعه يوم السفر
♥♡♥
♡♡
♥
♡تحياتي♡
رد مع اقتباس
المشاركة الأصلية كتبت بواسطة دلوعة البنات
