أبوذيات عن العيد
الگلب گبل الناس
إتعنه دارك
ملهوف اجاك ايگول
عيدك امبارك
گالولي اجاك العيد
چا ليمته اتهيد
عيد اليمر بجفاك
ماينحسب عيد
تدري آنه گبل العيد
عاشورك اوياي
حاسمها لو مو عيد
ماتضحك اشفاي
صايم على فرگاك
غيرك فلا اريد
أفطر أنه بملگاك
و شوفتك عيد
كون الفرح ينباع
واشريلك العيد
يالشوفتك عيدين
عيد احله من عيد
هاك العمر و اختار
من عنده شتريد
بس كون اگضي اوياك
صبحية العيد
العيد اجانه العيد
اشلون اهنيك
أهديلك آنه العين
لوبيها اخليك ؟
إنتي الذهب والماس
والجوهر انتي
والدنيه تصبح عيد
كل ماضحكتي
بالسنه ثنين اعياد
أسمع يگولون
وكل ضحكة منك عيد
يا حلو العيون
گالولي باچر عيد
إلمن تعايد
مادروا إنته العيد
وبگلبي گاعد
فرحة وسعادة انطيك
بس گلي شتريد
ومني اخذ بوسات
من هسه للعيد
خلني بعذاب الشوگـ
مارايد العيد
چي لنك انته اليوم
عن عيني ابعيد
الصايم يتاني العيد
لهلال هينطر
بس آنه اصوم اعليك
وبجيتك افطر
عيدية الك بوسات
ما منها موجود
تطبع على الدلال لا مو عالخدود
ملهوف اجانه العيد
ها كتله شتريد
راويته جرح الناس ظل يلطم العيد
اهلا وسهلا بيك
وبجيت العيد
محتاره روحي وكون تلبسلك اجديد
بالعيد اعايد ناس
بس أنته لاله
هم شفـت واحد يوم عايد هلاله
كل عام واعضاء وانتم بالف خير
الحمد لله انا مسلم معي دين
وتمام الخلقه اعطاني مع ايدين
كل عام وانه وياكم معيدين
وعساكم من عواده وعسه ليه
أصيحن باسمه يسمعني ولك عيد
افهمه ويرد يسألني ولك عيد
هل عيد الفطر باجر وألك عيد
وثلث بوسات ارسلهن عيديه
اجانه العيد وارد أرسل سلامات
ويريت أيامه تكضوهه سلامات
لتظن انه ما اجيكم سلام ات
يمكم حتى نتعايد سويه
خلق من الله انطاني ولي دين
وطلبتي ابجاهه يرزقني وليدين
يباجر عيد وين ايدك وليدين
ادزه اتعايدك ويه البوذيه
دك بابي اجاني العيد ها كتله شتريد
راويته جرح الناس ظل يلطم العيد
*****************************
ملهوف اجاني العيد بس جيته شتفيد
جي انت مامريت حسبالي مو عيد
*******************************
ياعيد اعيد بيه مادامك بعيد
لو ماتمر بالعيد غير اذبح العيد
***************************
تكتل حلات البيك والمثلك يهيد
شطلعك بول يوم ظل دايخ العيد
******************************
عمي انتظر بالبيت وين انت طالع
من تطلع انت العيد يلزم الشارع
****************************
عيب استحي من الناس يادمعه ردي
ليش بصباح العيد دستي اعله خدي
الدكتور
الشاعر
سلام الدراجي
أعايدكم قبل الناس
رد مع اقتباس
المشاركة الأصلية كتبت بواسطة @أمير الذوق
