هنا

[علي الازيرجاوي]

مايضحك زلف يمه التراجي خيال

ولا يخطر ببالي بيوم راحة بال

انه عطشانلك يهواي

مر عريج بوسة ماي

مر فزز جفوفي الغافيه بخدي

مرني بشمس وجهك ضلمت عندي

تعال بضحكة اول يوم واتعده

يموت بحركته العاكول لمن تضحك الورده

الما يعرف يفوج بعيد

عيب يفوج يم الراك

الما يفهم الملكه الحار

عمره يعيش ما مشتاك

شديت الصور بجفاك

بزنودي حرز عشاك

مكاسر نومتي بطيفك يخلوة ليل

بعدهي شفايفك تنكط سوالف هيل

يا كشخة نده عله الياس وين تريد

ماترجع يروح العيد

المايقتنع غيرك عيد شتراويه

الكاعدلك اباب البيت شسميه

كل هذا وبعدني وياك شايلك خلك مجنون

وبعدني عله الدرب شاتل صفنتي عيون

وبين الجاي والرايح افز ملهوف

بلكي اسمع بقايا حروف

العيب البيك تمشي معاكس النيه

وبيه العيب شايل مستحه بنيه

اليحصد بلعشك محبوب زارع بذره ترجيه

من تحجي بوعدجذاب

يعرك واهس الملكه

خلص حيلي وانه وياك

مامش حيل للفركه

من تنكسر كصبة هور

تذبحلك لحن شبكه

عمر ياكل بروحي الشوك

بس استلذ بلدمعه

بصينية العرس تتونس الشمعه

صد اذوب

بس لمت هواي كلوب

خضار الكاع بعيون الفلح جنه

حجي العرسان يخدر يم دفو الحنه

المايفتهم صوت الناي ليش يحب

كفره العاف خله وعاش متغرب

[هيثم البغدادي]

حلو
صح لسانك

[صفاء العامري]

شكرا لك

[ذات الرداء البنفسجي]

[نـرٍجٍـس آلُِـمـوُسـوُي]

عاشت ايدك اخويه علي يسلم ذوقك

[أميرة القلوب]

رؤعه علي سلمت الانامل

[علي الازيرجاوي]

شكرا يا ورود نورتو ...


دمتم رائعين

لكم اروع تحيه