ومضات شعريه
1_جنت احتار شلبس من الاگيك؛
بس هسة گمت البسك من اشوفك
2_قهر حبك حجيتة بروضة الاطفال؛؛
بعد ساعة اصبحت دار للمسنين..
3_عليك الله تعال وجيب روحي وياك~
اذا راد الله روحي منين ياخذهة~
4_شگد مذلة الي تحبة ومايحس بيك_ ويا فشلة الحب اذا من طرف واحد~
5_انه جروحي استهزئن واشرحلك شلون_
عندي اصغر جرح يشرب بلنگو_
6_اليلگة بجرحة دم صدكني يرتاح~
والمايلگة دم جرحة بأحساسة~
7_على باكيت الجگاير مكتوب تحذير_واخوك بهالوكت متعاجز ينصحك~
8_بغيابك كسرت هواي رجلين_
لأن ياهو اليجي بدموعي يزلگ~
9_گـاعد ع الدرب ومتاني ملگـاك . شالوني بشفل گـالو تجاوز"
10_جيراني كتب عالدار للبيع
يكول جروح كلبك صوتهن عالي
11_شكيت همومي لأعظم شيخ بلكون_
ذب عمامته وكال امشي نسكر_
12_امس ماتت ضحكتي بوجه الوداع_
وبجت عين الصبر عل مايردون_
13_أخذ بصمه صديقك من تخاوي_
احتمال يجوز كبلك طاعن اهواي
14_ربي عمري وياي خلصته امتحان
ربي افصلني كافي ماريد امتحن_
15_جرحي بكد ابوك براسه طالع شيب_
المفروض منك هسه تحترمه
16_الوقت عندك ثمين مقدرك حيل_
خف ايدك اطعني وأحنه ماشين
17_دونك عمري يخلص تعرف اشلون_
مثل عمر الجكاره بحلك مسجون
18_من كد ما حفظتك درخ ع الغيب_
كمت انه من اشوفك ارفع ايدي
19_بفراكك بجت كل الحياطين_
وحتى البيت طاح من الرطوبه
20_آنه بيتي رصيف وطاكني العوز__شكتب ع الرصيف الدار للبيع_
21_يعجبني الجرح لو لاكي شمات_ يضم روحه بحيث يبين التم_
22_تعجبني السيوف بجفوف السباع_
يحمرها الخجل لو ما لكت دم:
23_مدفون بغرامك قبل قابيل_ كبري بوسط كلبك ليش متزوره_
24_كفرت كفره بغيابك ماتعرف اشلون_ حتى ابليس كال استغفر الله_
25_الله وياك كتلك بس نسيت اشلون_ الله اشلون يمشي ويه الشياطين_
26_أخذت بوسه بغيابك تدري من وين__من جدم أمي التسوه راسك_
27_امي ماعدها شهاده امي ربت بيت_ وامك عدها شهاده وكلشي ماربت_
28_انه جروحي قدت كد انبياء الله_
وين الكه محمد حتى يختمهن
29_ما اكلك بقيت لوحدي بجفاك_
أملك معجبين بكد غرورك
30_اتمنى الف اصبع بجفي هذا يصير_لأن شايل ندم مو مال أعض خمسه_
31_بغيابك ملك الموت جاني وشاف الجروح * وگعد يمي وطگ جگاره وگلي نارك_
32_كاعد للسحور ومرني ذكراك_
تصدك ماصمت حسبالي جه العيد_
33_احس عطاب يطلع بين الضلوع_
اضن كلبي احترك من فاركتني
34_ابوي بباب بيتك واكف يصيح_
عساهه أبخت كلمن خبل ابني_
35_الوكت وزع فرح وضم حصه الما جاي_
واني كبال عينه وكلي خلصنه_
36_بعدك صرت مثل جيس الحلقوم ما تسأل عليه بس الزعاطيط
37_وجهي اصفر بيوم فركاك فتت بشارع صاحوني تكسي_
38_قطار الفرح مرلي وكتله ماريد حبيب الروح ماكو شعندي راكب_
39_وصل حزني بغيابك بلحضه ماينقاس بحيث انفاسي تطلع لابسه اسود
40_صـﭽمني الفرح رايد علاقة وياي گتله الحزن صار سنين خاطبني
41_اذا انته بحر ومتباهي بين الناس آني عصاه موسى الشكتك نصين
42_آنه جدمي جبل ماهزته الكاع ومن كتلي وداعآ طيحتني
43_حجيت هموم كلبي للحياطين وكع حايط بصفي وكام يبجي
44_كل ساعة الشماته تكلي ماجاك صرت نجار من كثر المسامير
45_تدري الحال بعدك صاير اشلون مثل حال العراق ويه البرازيل
46_جرحي اصبح نافوره بيوم فركاك إجو شماتي طكو يمه صورة_
47_ألله وياك يوسف رايد تصير
كلب يعقوب عندي وراح أتانيك_
48_بغيابك مر علي مخبل وصاح*
همزين الله ماخلاني مثلك
49_مو كلمن يجيك تكله احبك موت*تاليهه تموت ومحد يحبك_
50_باكيت الجكاير سولفتله عليك
كال اسكت ولك ورثلي وحده_
51_تعزيني بغيابك كومه شمات
تعال وداعت امك خل يسكتون_
52_تمر عالبال لحظه وتاخذ البال
أذا تمر ساعه شتاخذ وياك_
53_جنت وياك اكسر ضهر الاسباع
وهسه اكسر الخاطر من عفتني_
54_خلهم لو حجو عنه الناس
حديد اطباعنه شنهي البسامير_
55_شكد هيبه النخل ونضرب بي امثال
بس انذل السعف صار مكناسه_
56_عدوة اجروحي أحسهن يعدن الناس
الماعنده جرح لا يمشي وياي_
57_كلي شلون الحدايق بالعيد
عشت طول العمر بين المكابر_
58_ملك الموت واكف لازم الباب
يدري بروحي تطلع لمن اعوفك_
59_وصل حد الشماته من يذكرون
يحلفون وحك الفاركك وبلاسبب راح_
60_ياجرح ألبس حتى أكشخ لملكاك_جبير أخر جرح كدرته ماكفه_
61_أنا اعيوني حمر مو من قلت النوم*هاي أحلامي اتذبحت بين العيون_
62_أنا جروحي يتامه بكلبي يتعشون*كلي شلون اطرد يتيم وهو يتعشه_
63_شككت صورتك حتى اكدر انساك*على عنادي الكلب خلاك خلفيه_
64_ضيعني الوكت ضيعت يتيم بسوك*شماطخيت بعبايه يكول هاي امي_
65_لا تعاشر شمس وتزعل الليل
ترى تشبع مذله بوكت الغروب_
66_لأن سميتك احبك وأحجي بس بيك*الغيرك كلت احبك كلي ماشفته_
67_موكب للشماته من رحت صاح*ابد والله مايرجع حبيبك_
68_يل مبسط تبيع ادموع ألايتام
تعال أنطيك حسره تعزل السوك_
69_لأن بس عالمكابر عيد الايتام*أبد ماكو ازدحام أعلى المراجيح_
70_عكب صوتك يقنعني ياصوت
أحس حتى البلابل حسهه مبحوح_
71_بغيابك حنيني يهز ضمير ابليس متعجب حنيني شلون ما هزك
72_بجفاك المكابر سكنة العين شما اباوع اشوف الناس ميتين
_ 73_الي صفنة على بعدك دوخت ناس
_ مشو عافوني كالو هذا تمثال
74_سكف راسي يخر من رحت لليوم ينكط ذكرياتك ذكره ذكره
75_من كد ما صفنتي طولت بيك
هلي سدوا عيوني صيحوا مات
76_تعال جروحي حيل تعلقت بيك
من يوم الرحت محد لجمهن
77_صرت وياي شايل طبع عزرائيل
تلاكيني عدل وتعوفني اجنازة
78_يسألوني بغيابك وجهي اصفر صار
لان بجفاك دم البيه وشل
صعب حبك علي مثل الرياضيات
أدري شلون أحبك بل براشيم
من كدما صفنت بشفتك اسنين
سألوني علة اسمي جاوبت وردي
ذكية النار عاشت رافعة الراس..
تحرك ما تجامل كان من كان ...
المبادئ والقيم ماتشمل اليشتاك
الهجر رب المذله القيم شعليه؟
كفرت كفره بغيابك هزت الكون
بحيث أبليس صاح استغفر الله
صعبه ويه التحبهم رؤحك تصيرر
مثل عصفؤرر وبحلك مصاييد
المسدس بالعشك موخوش كتال!!
كلمة راح اعوفـك بالــعشـك اقوى
على موودك الله نطااني عيؤؤن
وكل مأأ ااشووفك احمدالله
صفنتي عليك جنهأ صفنت الأيتام
اذأ شافؤ ابؤ يعايد جهاله
وك حتى رؤح بعدك فاركت الأنفاس
ودكات الكلب شكت شرايني
راح امشي على راسي النوب بلمكلؤب
والمشي العدل قررت اعؤفه
وأنت شعرفك سلمت وتعديت
ماتدري من وراك اطلكت نسؤان
انا بالشده ردتك توكف وياي
لكيت رمح بيد الحاربوني
انه حتاجيت اشمك مثل مسجون
ضل ملهوف يمتى يشم جهاله
بجيت عليك سكته مو بجي بنوح
بجي مكتول اخيه كبال عينه
اني من ابجي عليك ابجي بهدؤؤؤء
مثل الي عرست مجبؤرره
انا مخلؤق مو خالق وكول تهون
شي يغفرها سهام نابته بضلعي
بشر عادي مثلهم وخلقت اعذار
عليج الله يرؤحي خاطري اقتنعي
بتقاطع عيني الك سويت تمثال
ازدحام بعيني من كثر اليصفنون
خيبر فركت بس انه مو كرار
انه بيبان بيتي اتعاجز افتحهن
لأن حلوات كل افعالي وياك
مابيهن ملح حقك عفتني
متت صح بغيابك بس شنو الموت
يراد بغيابك شي بعد اقوى
بشريني الخذج شخبـــــارج انتي وياه
هم سلم دليلــــــــه ابيــــــــــــن جفينج
هم واكف حرس هو اعله باب الشوك
هم متون عشكـــــــــه انحنت يم عينج
حاجيني شبدر من عنــــدي وتروحين
تســــألني الشماتــــــــــه شبيني وبينج
انطيتـــــــج عمــــــر وسنيني كلهـــــا وياه
وسفه اعلـــــه اليحبج ضامـــــــــه سنينج
مــــــــو كتيلي اوكــــــــف بالشـــــدد وياك
اشو هســــــه بنفــاه.. اشلون.. جا وينج
خليني بهــــــــواي وانتي روحي ويـــــــاه
هذاك المـــــاعرف كل زينــــــــج ..وشينج
من اوديلك رسالة ارجوك – ردلي
بيها اكتبت لا لاتبتعد – ردلي
ابو البيكم دعمني وكسر – ردلي
بس الحمدلله هسه صرت زين
شحجيلك ولك شمسوي ألفراك
ألحجي ميفيد من ترجعلي أراويك؟
انـــه ويــاي الشماتــه اختــرعـو اشيــاء
صنعــولـــي جــهـاز يصيـــح باااااعــــــك
ندمان بكثر ماصحت أحبك موت…
صح وجهك حلو بس عشرتك مره !
ﻤنو گآل آلشﻤآتة يِعٍذبون هـوآيِ ؟
وآللهـ آليِ نحبهـﻤ عٍذبونة آگثر
أنه بغيبتك جلد وعظم ضليت
ونوب التكتلك رمضان اجانه
من كَد مـــا تصيحك نظــــرة العيــــن ..
احس حتــه النظر صوووتــــه مبحـوح !
تحاجيني اعلة سهري وبيش مشغول؟
ماحكتك رجلك وانت غافي؟
اضل كاعد مكابل صورتك هاي
لان حبك حمل شالتة اجتافي
اهمسلك شعر وتغار الحروف
والله بعشكي ركصت القوافي
منقول
رد مع اقتباس
المشاركة الأصلية كتبت بواسطة ړُؤٌڵاًَ ألعًتٌــــٌأبي$!
