شعر غزل المقابر
غزل المقابر
كَالولي احجي بغزل بس بغزل مسموح
كَتلهم المكَبرة حلوة وعطرهه يفـــــوح
عاشكَهه طول الزمن
واطرب عليهه بشجن
والكَلب بيهه ارتهـــن
حضنت احباب الـــروح …..
كَالولي احجي بغزل بس بغزل مسموح
احبابي بيهه نزٍل ويومية أنه بنايبــــــــة
رافكَني بين الدهر ومني الكَلب ذوبــــه
الموت ظلي صفة وياي عاش وربــــــــــه
بالجملة واهكَ حصد وجروح فوكَ جــــــروح
وكَالولي أحجي بغزل بس بغزل مسمــــــــــــــوح
من اطب للمكبرة كَمت آنة اشوف قصــــــــــور
اطفال شيب ونسه وشبان عمر زهـــــــــــور
جي راحت مخضبه بدم الشهادة تفـــــــور
وبيا ذنب وبيا سبب هيج العراقي يــــــروح
وكَالولي احجي بغزل بس بغزل مسموح
مريت يوم وشفت ام لولدهه تحــــــــــــــــن
تحضن ترابة وتشم وبروحي تسحن ســـحن
كَمت آنة اصب الدمع وصدت عليةبحــــــزن
عافت ابنهه وعلي وكَامت علية تنـــــــــوح
وكَالولي أحجي بغزل بس بغزل مسموح
ولهناك شايب شفـــت ياكل بـــــــــروحة اكل
بيه الزمن مختلف ومخبــوص عنــده الغزل
حاجيته وليا وكتب احزانه تــــــــظل تهل
جاوبني بس بألم ميظل حمل مطروح
ميظل حمل مطروح ……..
رد مع اقتباس
