جنك تريد تروح وتعذب الروح
مودع الله وياك بس ابقه لتروح
لياحد وصل وياك لو تدري حبي
بس تفتح بلوتوث تستلم كلبي
ياعيد اعيد بي مادامك بعيد
لو ماتمر بلعيد غير اذبح العيد
عمي انته ضل بلبيت وين انته طالع
من تطلع انت العيد يلكه بلشارع
كيفك سوي كلشي انه غلطان
لان انه الي كتلك كول كيفي
اذبحتني وسيفك انته بدمي غركان
وتطالبني وتكلي جيب سيفي
اذبحتني ادنه اشبكك من من اتخاف
ما خفت الله خايف من نزيفي
اعزاز ضيوف كلبي ومشو لعزاز
ولا واحد بقى بس انته ضيفي
بعدك بالكلب رغم الخلافات
المسافات الغت بينك وبيني
وما ينطيني كلبي ازعل وياك
بس انشاء الله كلبي ينطيني
اتوقع يجي فد يوم وانساك
بس اتمنه اموت وما يجيني
اعرفك مو الي بس انه اهواك
لان انته الوحيد المالي عيني
واريدك انت اي شي ايغطي العين
حتى ما تصد بس الك هيه
واريدك عله بيه وكون ما بيك
انه وياك نتعاون عليه
واريدك انت ريح اتصير وحبال
وتهزني الريح ويفلتن اديه
حتى اطشر انه بكل الادروب
حتى منين ما تعبر عليه
رد مع اقتباس