اكطع ادي و الراس و افكسها للعين بس لا تكول دليم متحب الحسين
اجينة من الرمادي اليوم لهنا
رسالة شوك جبناها و اجينة
الى مولاي ابو الحسنين مشتاق
رغم بعد المسافة و ما نسينا
اجينة لحب علي و بأسم الانبار
نزور و كلنا باقين على دينا
عجل يا اهل النجف جا احنا خوان
و علي مو بس عليكم هم علينة
مو لان بأرض النجف راح احجي هيج
لا وحق الي بعث صادق امين
بس حقيقة و التربينة عليه
من صغرنة نحب علي و ام البنين
علمونا بالمساجد من زمان
فد عبارة و كلنا الهة مرددين
الي يحبك يا علي دينة صحيح
و الي ما حبك يا علي ما عندة دين
علمونا النام بفراش الرسول
علمونا اول فتى من المسلمين
علمونا الي كسر ضهر اليهود
خيبر و بدر و بعد مؤتة و حنين
علمونا و كلنا صحنا بفرد صوت
مبايعين مبايعين مبايعين
و الي يبايع علي مو بس باللسان
بالقلب بالروح بيعة و عن يقين
و الي يبايع يلتزم كل الصفات
و ياخذ اخلاقة درس عبر السنين
ابو الحسن لا ما ضلم واحد بيوم
علي للرحمة رمز و اعضم مثال
علي سيف على الضلم ما مثلة سيف
علي بالشدة مئات من الرجال
علي كد ما جان يعشك للسلام
جان ع الحق اكثر يحب القتال
علي ما باع وطت ما باع دين علي ما حط ايدة بأيد الاحتلال
علي ما هجر ابد او اذة جار علي ما ذب ابرياء بالاعتقال
علي مو شيمة غدر او اغتصاب
علي ما يتم ضلم كومة جهال
علي ما مثل بجثة و قلع عين
علي لا منصب يغرة و لا موال
علي مو دين التعصب و الغموض
علي منهج للوسط و الاعتدال
علي لو مثلك علي كلنا نصير
لو عليش لحالنا نسوي احتفال
للشاعر الراقي
احمد هندي
رد مع اقتباس