السنة والشيعة والأكراد
هسة هذي كل المشكلة صح ! الحل كل واحد يبدل هويته وية المخالف اله وخل يعيش تحت هذا الظرف أسبوع إذا چان سني ويصير شيعي راح يدخل لتويتر يلگة تويتر گله يسب ويشتم بالشيعة وراح يشوف كل الناس ضده وتكرهه ويخضع لأبشع أنواع الألم من يقرأ رافضي كافر زنديق خوارج اقتلوهم هذا بالإضافة الى الكلمات النابية الي ما يتحملها بشر وإذا چان شيعي ويصير سني راح يفوت للفيس بوك يلگه نفسه داعشي ناصبي حلال بيه القتل حاظن للإرهاب وهو مشكلة العراق وعثرتها ويخضع للسب والشتم والتنكيل اللفظي الي ما يتحمله بشر أما إذا چان عربي وصار كردي فراح يسمع انواع الدعوات عليه وعلى أهله بالموت وأنواع الاتهامات الجارحة والاستهزاء والسباب الي ما يتحملها بشر أما إذا چان كردي وصار عربي راح ينصدم بگم الهجوم على عروبته وانتماءه القومي وايضاً راح يخضع لحفنة من السب والشتائم الي ما يتحملها بشر !! كل هذه الاختبارات النفسية قادرة على انتاج إنسان متطرف بعد ما يوگع عليه ثگل هاي الاتهامات ويمكن يكسرله راس الوعي ويبتر أطراف التسامح عنده كل الي دنتعرضله الان ما يتحمله بشر ! ولهذا لا تحزن من تشوف تعليق غير بشري وغير إنساني واعرف أن هذا الشخص ممكن يكون تحمل ضغط مزق عنده الإنسانية وخلاه ما يشوف غير طائفته وقوميته الي عدمها الآخر على مقصلة الإتهام الأمثلة الأربعة الي انذكرت غالبا ما يكون صاحبها إنسان مدني گاعد ببيته بحياته ما ذابح بزونة لكن كمية الظلم اللفظي الي اتعرضله ممكن يخلق منه عدو حقيقي للوطن خفف على إخوانك لأن گلنا خطية وعيش تجربة المخالف حتى تفكر ألف مرة قبل ما تذبحه بتعليق يؤدي الى زيادة عدد المجرمين في وطنك عيش التجربة وراح تشوف نفسك أول واحد يطالب بحقوق أخوه ولا تشارك الأعداء في صناعة الأعداء والله ومحتاجك ياخي
رد مع اقتباس
المشاركة الأصلية كتبت بواسطة محمد الدراجي 3
