مقطوعه من قصيدتي
الفراشه مو عن قصد .. لـو فرفحت عالضوه
چـــي لنها عمية گلب .. ماتــــدري التخسره
والــــنار تـنعد ضـوه .. وجنح الفراشه ترف
والضـاگ طعم الحرگ .. مايلـــزم الجمــــره
والدنيــا لعبه وضحك .. لـو طاح بيها الگوي
تكــثر اچفوف الذبح .. مــاتــرحم بـكســره
لا تحچـي عن الفرح .. وانـا بقـــهر مختـنگ
گــــــدام باب القصر .. لتگــــعد الفــقــــره
عندي انا وي الحزن .. عشــــرة يتـيم ودمع
جبت العمر بس تعب .. عن ياتــــــرف تقره
مو بالبنـــــيه البخت .. والســــــــيد بشارته
ولمايشــــــور صدگ .. محـــــــد تره يذكره
رد مع اقتباس
