يسعد مسا جرح الزمن يسعد صباحك يالطعون
الله يرضى لي على الضيقات وسهوم الغدر
والله يحسن لي عزا موتة منامك يالجفون
والله يحيي طلة الأحزان ودروب السهر
والله يساعدنى على حسبة دموعك يالعيون
دمعة حزن . دمعة أسى . دمعة ألم . دمعة قهر
وش فايدة بستان عمرى لا فقد خضر الغصون
من أصعب أوقات الشجر لا طاحت أوراق الشجر
جذع النخل يتعب حديثه لو حديثه ذو شجون
قالو اذا هزيت جذع النخل يتساقط تمر
أحيانا المسجون يعشق شكل قضبان السجون
ياليتنا من سالفتهم ناخذ دروس وعبر
ماهو خداع الا الزمن دوار والدنيا فتون
أعمارنا فتنة حياة وبعدها فتنة قبر
ياجرح دام السيطره دانت لك فخلك حنون
تراك غالى طالما انك جيت من أغلى بشر
معي بقايا من عقل واقف على حد الجنون
ودمعة فى محجر عيونى وفى قلبى جمر
ياجرح واسمح لي ترى غيرت رائيي لا تهون
أحاول أصبر بس بغيت الصدق مافينى صبر
الله لا يسعد مسا جرحك ولا صبح الطعون
والله لا يرضى على الضيقات والسهوم والغدر
رد مع اقتباس
