هنا

[آدم..]

السلام عليكم ورحمة الله وبركاته

مازال العراقي عندما يشاهد صورة لفرنسا او المانيا او كندا او ( الامارات ) يقول ... شوكت نصير مثلهم ياربي.؟؟؟
؟؟
؟
تعرف شوكت نصير يا ابن الرافدين مثلهم ... ؟
من نخلص من امراض التملق المستعصية و المزمنة ونعرف ان الحاكم مجرد انسان و منقدس جلالته و نبطل نكول فخامته و حضرته و سيادته ..

من نبطل نسمي المناطق هذه منطقة سنية و هذه منطقة شيعية و نكول هذه منطقة عراقية و بس ...

من يبطل العراقي الاصيل يروح ينتخب على اساس مذهبي و يروح ينتخب شخص عراقي بدون مسميات ...

من تبطل تشمر قوطية الببسي و باكيت جكايرك الفارغ من شباك السيارة و تبقى تنتظر عامل التنظيف ينظف الي انت و سخته ... و فوكاها تكول عليه زبال ...

من يبطلون البعض يدافعون عن السعودية و ايران و قطر و تركيا و البحرين و ميدافعون عن وطنهم و ينسوه على دكة الاحتياط ...

من اجهزة الدولة تكون لخدمة الشعب و المواطن و بس ...

من تعرف ان الحكومة الحالية بكل قوائمها متهتم الك يامواطن وهمها الاول و الاخير ( السرقة ) و من تعرف ان جميع الساسة المشاركين بالحكم الآن ... ميشتروك بدولار و لو بيدهم جان غلفو الهوى و باعوه بجياسه للمواطن ...

وصدكني يا عزيزي المواطن من انبطل من هذا الطبع راح نصير احسن من الدول الي ذكرتها مسبقا





مما راق لي..

[Tigris Pearl]

احسنت النشر اخي...فعﻻ :(

[أسيرة اﻻحزان]

والله صحيح
..........
شكراً لك

[joliet]

نعم صحيح وبالتعاون والعمل نرتقي اكثر..
...شكرا اخي ع الموضوع ,,رائع جدا

[أبن ذي قار]

تروح وترجع وتطيح براس المواطن شكد مسكين

[توحاية]

شكرًا صح

[آدم..]

احسنت النشر اخي...فعﻻ :(

شكرا ع المرور

[المعماري 12]

كلامك صحيح ، ولكن للأسف كلامك ما يصرف لهواي ناس !!!
مشكور على الطرح

[آدم..]

كلامك صحيح ، ولكن للأسف كلامك ما يصرف لهواي ناس !!!
مشكور على الطرح

عفوا اخي وان شاء الله يتغير واقع الحال المرير للافضل..حته انعيش مثل العالم بسلام..
شكرا مره اخرى

[ثامر ابو باقر]

لك حبي وتقديري واحترامي
على كلماتك الرائعة
وانشاء الله يتبدل الحال الى الاحسن
فالشعب العراقي شعب ذو غيرة على وطنهم
مــــــــــــــــــــــع تحياتــــــــــــــــــــ ــي