مرحمبا
كفيكم مشتاقلكم موت موت موت
انا سالي تذكروني وله نسيتوني حتى لو نسيتوني أني مستحيل أنساكم شلونكم وشخباركم يا رب تكونون بألف خير
وإذا تسالون عن حالي فالا فضل لا تسالو لان حالي زفت تعرفون شنو يعني الزفت هذا هو حالي
لان السادس دمرلي حياتي وتفكيري
أربع وعشرين ساعة بس أفكر خاف ما اطلع المعدل ألي اريدة ولو الحظ ما وكف وياي شراح أسوي
لو تدرون أني أفكر أكثر مما ادرس
آه آه آه
شكد أتمنى لو كان أمري بيدي لاكعد كل يوم أحجي وياكم لان أني بجد محتاج تلكم ومحتاجه لحنان هذه العائلة عائلتي الوحيدة لان أني ماعندي احد يفهمني أو يحجي وياي أو اكدر افضفضله عن ألي أحس بيه بس شاسوي حكم القوي تدرون بالعافية بعد توا سيل يله حصلت ربع ساعة بس هم أحسن من الماكو أني لو يطوني دقيقه بس اسلم عليكم هم كافيه عليه
بس أني اطلب منكم طلب وأتمنى تحققولي إياه
الدعاء أني أريد منكم الدعاء لان أني هسه بأمس الحاجة اله فأرجوكم أرجوكم بكل شي مقدس عدكم تدعو لي الله يوفقني ويخليني ادرس لان انتم الوحيدين إلي اكدر اطلب منهم هذا الطلب فلا تنسوني من دعائكم
وأحب أكلكم بالأخير كل عام وأنت بألف ألف خير(مقدما)أخاف ما اكدر أشوفكم بالعيد
ويا رب تحقيق الأماني والأمان وان شاء الله العراق بألف خير وأشوفكم كلكم راجعين لحضن العراق وتكحلون عيونكم بشوفت العراق بس بعد ما يرجع عراقنا القديم ويرجع الأمان والازدهار يله ذيج الساعة ترجعوا لان أني ما أنصحكم بالرجعة هسه
وان شاء الله أشوفكم العيد الجاي كلكم داخلين عش ألزوجيه وما يبقى عازب محتار ويريد يزوج وما يكدر* يا رب وفق كل عزاب المنتدى واجمعهم مع من يحبونه ويعشقونه أمين يا رب العالمين(هذه الدعوة لعزاب المنتدى بس المتزوجين محجوبة عنكم هذه الدعوة مو تكيفون)هههههههههههههههه
طولت عليكم مو ودوختكم بله أتحملوني شوي لو بيدي لكعدت اكتب الكم لباجر
طيب يله بآي
بس مثل ما كتلكم الدعاء لتنسوني بدعائكم
بآي
سالي ألمخلصه دوما وليس يوما
رد مع اقتباس
