روحي طيره وتاهـــت ابنص الحزن
ظلمه دنياهه وعليهه مجلجلــــــــــــه
اتشكك اصياح التجافي ابصوت ريح
ينزز البطرانه جانت غافلـــــــــــــــه
شلون يرجع حادي ناوي على الرحيل
ويابخت يلزم زمام القافلـــــــــــــــــه
اوين غيرت كبل لوصــــــار الزماط
اليرد ضعن الراح يم ديرة هلــــــــــه
بلكي كلبـــــــــــــه ينكسر من الوداع
ويسمع اصياح التون والثاكلـــــــــــه
عاند الحداي طوح بالضـــــــــــعون
ماتنه الفاجد حبيبه ايسايلـــــــــــــــه
تعلكت بيكــــــــــــم الروح وهلتنوح
وراحت اوياكم تباري الراحلـــــــــه
محد ايحس بالحمـــــــــل كلش ثكيل
بس يتعب امتون كلمن شايلـــــــــــه
احنه شلنه اطنان مـــــن كثر العذاب
وفوك كل هذا كلام الكايلــــــــــــــه
ردنه بس ساعـــة وداع وي الرحيل
اتكون بيهه اكلوبنه متفاعلــــــــــــه
حتى مانلجـــــــــم جرح يوم الوداع
والقناعه اتصير بيهه معادلـــــــــــه
صعدت النـــــاس ابفرح وي الغيوم
واحنه نمشي عكس وي النازلـــــــه
مدري دنيانــــــــه عكس كامت تدير
مدري عدنه اكلوب صارت خاملــه
آه ياديرة وجه بيهــــــــــــــه العذاب
مثل طلقة موت هيه القاتلــــــــــــــه
ضلت الروح ابجســــد ميت حرا ك
تنتظر يوم الحسم والآجلـــــــــــــــه
قست كل اكلوبهــــــــه ابيوم الوداع
وصخر روح الماتحن والهاملـــــــه
ردكلب مكسور خاطـــــر من وداع
مايفرزن من عدوه ومن الــــــــــــه
لأن كان ابعشره مـــو عشرة غرور
عاش عشره الي نحبه انبجلــــــــــه
مانشيل ابدارنــــــــــــه ....متأملين
بلكي ضعن اللي نحبهم رده الـــــــه
راق لي
رد مع اقتباس
المشاركة الأصلية كتبت بواسطة shining star
