اي مليت
اذا مليت مني يجوز كلشي يصير
مرات البشر من نفسه هم يمل
واذا ناوي الهجر ينتضر خل يطول
بعده زغير زرعي شيحمل المنجل
تريد وياك ابقى احسبني حد الموت
مااكَلك نسيت وكَلبي يتحول
واذا متريدني احسبني بعد اسبوع
مااكَلك اموت وبس اكَول انسل
محتار وي روحي وحيرتي بصدري
واموت من القهر بس انت ماتدري
كل مارد اكَلك احسب الف حساب
اخاف تروح مني وينتهي عمري
تتذكر جنت اتمنه اشوفك واحجي مره وياك
وجنت ابجي وي روحي من يمر طرواك
روحي تروح كلها وياك
عكَلي يروح كله وياك
اتعثر بدربي من انضر الممشاك
وانه بمستحاتك ادري كلش زين
واباوع ارتباكك واصفن الملكاك
بس شتريد اكَلك يعني مامعقول
احس عيب من اكَلك هالكَلب يهواك
رد مع اقتباس
