گدرت انساك ..
ما گلك كرهتك ..
بس گدرت انساك ..
لتحاول بعد ..وتريد تغريني ..
كسرت اقيود شوگك ..
هسه حر .. مرتاح ..
اللي دستور وحدي .. وبي قوانيني ..
قانوني بعد ..
ما انطي گلبي ابساع ..
اهي غلطة .. وعشتها .. وضاعن اسنيني ..
چنت شجرة ..
واظلل حتى عالحطاب ..
وآني اعرف بنيته ,, يريد يمحيني ..
وچنت طيب گلب ..
حتى ويه ارده الناس ..
وطلعت طيبيتي ويه الناس .. تاذيني ..
صدگت الحچولك ..
ها .. سمعنه افلان ..
وآنه بعيني اشوف .. وچذبت عيني ..
اشگد طيب چنت ..؟!
بس اتضح غلطان ..
چنت كلش مغفل .. بيك ثاريني ..
وما اگلك اكرهك ..
لا ابد والله ..
ولتظن يوم اكرهك .. انته تدريني ..
جرحك اشكره ..
فززني من الموت ..
وبس بهاي اگلك .. انت راضيني ..
رد مع اقتباس
