شتكَول بعيد ميلادك يعباس ..؟؟
اليطب الحضرتي لايحجي بالماي !!
العفو والعندة شجرة صغيرة بالبيت ..؟؟
يودي شوية منهة الزينب افياي !!!
ترست الجربة بس ما طولت ليش ..؟؟
لأن جانت الزهرة تترس وياي !!!
من عفت الخيم جدمك ثكَل خووف ..؟؟
مو من جيشهم بس حسرتي هواي !!!
ترس وجهك الدم كَلي شتلكَيت ..؟؟
سهم عيوني جان امن السفر جاي !!
شردت من طحت وانتة بلايا جفين ..؟؟
حضن ام البنين يصير جواي !!!
شتمنيت وركَبهم ترست الكَاع ..؟؟
بس ريحة علي تمنيتها وياي !!!!
من طاحن جفوفك فكرت بيش ..؟؟
الدرب نار وجهال حسين حفاي ..!!
بالطف شنهو أصعب موقف أذاك ..؟؟
شفت دمعة رقية مجلبة بكَفاي !!!!
تكتل شارتك چا بختك منين ..؟؟
بكاروكي ورحت لحسين مشاي !!!!
شتگل الرماح الشالت الروس ؟؟
اگلهن ويا راس حسين بهداي !!
وسهام الگبحن وي نحر الاطفال ؟؟
السهم مايفتهم لو ماكو رماي !!!
صعدت اعلى الشريعة وماشلت سيف ؟؟
جنح جبريل جان ايحوم فوگاي !!!!
راسك ع النهر لبسته عامود ؟؟
وصبغت الطف كثر ماسالت ادماي !!!
رجعت اركض وجدمي ايشخط الكاع ؟؟
نقطت ضعفي جانت جربت الماي !!!
تبدت جربتي وراسي انترس شيب ..
بعت كل عمري والله الجان شراي !!!
بلاجف واختي اجت وتندمت حيل ؟؟
لان ماجان كلش حار ملگاي !!!!!
رد مع اقتباس
المشاركة الأصلية كتبت بواسطة نسيت انساك (حبيبي)
