ﺷﺼﺎﻳﺮ ﺑﻴﻚ ﺣﻘﻚ ﻟﻤﻦ ﺗﻜَﻮﻝ
ﺍﻟﺼﺎﺭﻥ ﺑﻴﻪ ﻣﺎ ﻳﻨﺤﺴﺒﻦ ﻫﻮﺍﻱ
ﺃﻧﻪ ﻣﻦ ﺍﻟﺒﻴﺖ ﺃﻃﻠﻊ ﺷﺎﻳﻞ ﻫﻤﻮﻡ
ﻭ ﺃﺭﺩ ﺷﺎﻳﻞ ﻫﻤﻮﻡ ﺷﻠﻮﻧﻚ ﺑﻬﺎﻱ
ﻻ ﺟﻨﺤﺎﻧﻲ ﻋﺎﻧﻨﻲ ﻭﻃﺮﺕ ﻓﻮﻙَ
ﻭﻻ ﺭﺟﻠﻴﻪ ﻋﺎﻧﻨﻲ ﺃﻋﻠﻪ ﻣﻤﺸﺎﻱ
ﻭ ﺃﻳﺪﻱ ﺍﻟﻴﺴﺮﻯ ﻛﺼﺮﺕ ﺑﻌﺪ ﻣﺘﻠﻮﺡ
ﻭ ﺃﻛﺼﺮ ﻣﻨﻬﻪ ﺟﺎ ﺷﺘﻠﻮﺡ ﻳﻤﻨﺎﻱ
ﻛﻠﺶ ﻣﺎﻟﻲ ﻭﺍﻫﺲ ﻭﺍﻟﺨﻠﻚ ﺧﻴﻂ
ﻭﺻﺎﺭﺕ ﺯﺭﻑ ﺃﺑﺮﻩ ﺑﻌﻴﻨﻲ ﺩﻧﻴﺎﻱ
ﺃﺫﺍ ﻻﻛﻴﺖ ﻏﻴﺮﻱ ﺍﻳﺠﻮﺯ ﺗﺮﺗﺎﺡ
ﻭﺃﺫﺍ ﻻﻛﻴﺘﻨﻲ ﻋﺎﺷﻮﺭ ﻣﻠﻜﺎﻱ
ﻭﺍﻧﺘﻪ ﺗﺮﻳﺪﻧﻲ ﺃﺿﺤﻚ ؟ ﺃﺿﺤﻚ ﺷﻠﻮﻥ
ﻭﺍﻧﻪ ﺟﻢ ﺧﻨﺠﺮ ﺍﻟﻤﺰﺭﻭﻉ ﺑﺠﻼﻱ
ﻭﻣﻴﻠﻮﻙ ﺍﻟﻀﺤﻚ ﻟﻠﻜَﻠﺒﻪ ﺗﻌﺒﺎﻥ
ﻭﺟﺮﺡ ﻭﻱ ﺩﻣﻲ ﻳﻔﺘﺮ ﺭﺍﻳﺢ ﺍﻭ ﺟﺎﻱ
ﻭﺍﻧﻪ ﺍﻭﺩﺍﻋﺘﻚ ﻣﻮ ﻣﺎﻝ ﺿﺤﻜﺎﺕ
ﺃﺧﺼﺎﺋﻲ ﺑﺠﻲ ﺳﻮﺗﻨﻲ ﺩﻧﻴﺎﻱ
ﺷﻠﻮﻥ ﺗﺮﻳﺪﻧﻲ ﺃﻟﻜﻪ ﺃﻓﻴﺎﻱ ﺑﺎﻟﺼﻴﻒ
ﻭﺍﻧﻪ ﺃﺑﻌﺰ ﺍﻟﺸﺘﻪ ﻣﻠﻜﻴﺘﻠﻲ ﺃﻓﻴﺎﻱ
ﺍﺳﻨﻴﻨﻲ ﺍﻟﺤﻠﻮﻩ ﺷﺎﻫﻦ ﺟﻨﻬﻦ ﻃﻴﻮﺭ
ﻭﻇﻠﻦ ﺩﺷﺶ ﻋﻤﺮﻱ ﻭﻣﺎﻛﻮ ﺷﺮﺍﻱ
ﺣﺰﻧﻲ ﺷﻠﻮﻧﻪ ﺣﺰﻧﻲ ﺃﺷﻜﺎﻝ ﻭﺍﻟﻮﺍﻥ
ﺷﻨﻮ ﻟﻮﻥ ﺍﻟﻔﺮﺡ ﺗﻌﺬﺭﻧﻲ ﻣﻦ ﻫﺎﻱ
ﻋﻠﻴﻪ ﺛﻮﺏ ﺍﻟﻬﻤﻮﻡ ﺃﻣﻔﺼﻞ ﺃﻓﺼﺎﻝ
ﻭﻛﻠﺶ ﻋﻠﻰ ﻛﺪﻱ ﻭﻻﻳﻚ ﺃﻭﻳﺎﻱ
ﺃﻧﻪ ﺃﺑﺪﺭﺱ ﺍﻟﻔﺮﺡ ﻣﺎﺧﺬ ﺻﻔﺮ ﺩﻭﻡ
ﻭﻣﻴﻪ ﺑﺎﻟﺤﺰﻥ ﺣﻄﺘﻠﻲ ﺩﻧﻴﺎﻱ
ﺍﻟﻨﺎﻱ ﺃﺷﻜﺪ ﺣﺰﻳﻦ ﺃﻳﺒﺠﻲ ﺍﻟﻨﺎﺱ
ﻭﻇﻞ ﻳﺎﺧﺬ ﺩﺭﺱ ﻣﻦ ﺣﺰﻧﻲ ﺍﻟﻨﺎﻱ
ﺭﺑﻪ ﻭﻳﺎﻱ ﺣﺰﻧﻲ ﻭﻛﻤﺖ ﺃﻣﺎﺷﻴﻪ
ﻭﺗﻌﻠﻢ ﺣﺘﻰ ﻛﺎﻡ ﺃﻳﺒﺎﺕ ﻭﻳﺎﻱ
رد مع اقتباس
المشاركة الأصلية كتبت بواسطة مجنونة عيونك
