حركة بروحي اذكرك تطفة يصعد شوك...
وتجي وي غيري تشمي وشوكي يتخربط...
حملك من ترفعة بمتني شمس تطيح...
السوالف من اذكرك تعرك وتفحط...
العشك من ينعدم مو بالحبل بفراك...
النوارس تنعدم لونشف ماي الشط...
مو شرط الحلو الليل اسود ونهواه...
اليحب مو بالشكل بالكلب حسنة نخط...
الشبه بينك والاخرس بالسوالف توم...
هوة بايدة وانتة لسانك مكمط...
برودة ميت بطارف لسانك ليش...
بس وياي احسن حجيك مصفط...
على ضهري السوالف كتبوا بسجين...
واكلهم ولفي زحمة بيه جرب خط...
السوالف من تمر للميت بدمعات...
من تبجي على كبرة سوالفك تنحط...
شلت همك كبل ليشيلك الكاروك...
امك جابتك بس كلبي التورط...
رد مع اقتباس
