زاد بكلبي شوكك وانته قل بيه
وصعد للراس حبك وانتقل بيه
أحب شلون بعدك وانته قلبي
وانه بكلبي احبن مو بديه
صار سنين ما تفهم وانا اشراح
وليش جروحي يلتحمن وانا اشراح
راح تروح من عندي وانا شراح؟؟؟
راح اصفك اظل بثنين اديه
الفضل والاعظميه چا نسني
وعشت يومين بيهن چا نسني
صديقي گبال بيتي چان سني
ونزور حسين انا وياه سويـــه
يوسف شافك بحلمة قصيدة
وابو الطيب خجل يمك قصيدة
رمشك شاعر وعينك قصيدة
وعمت عينه اليكلك مو قوية
جذب جفي بعدكم يومي لحد
وهواكم وين حدة يوملحد
انه لوما اجيــــكم يوم الاحد
الثنين من الصبح لطمو علية
علي جار الوكت تنشد بلا جار
وبعت بيتي وسكنت البر بالاجار
بـــــلا صاحب بــــــلا زاير بلا جار
خيال الكوخ صاير جار اليه
حجة واحد علـــــيه واعلم انك
واريد احجاية اخبرك واعلمنك
انه بالبير نـــــــازل واعله منك
احطك وين من نوكف سوية
رد مع اقتباس
المشاركة الأصلية كتبت بواسطة سوريا حبك بالدم
