ﻛﺪﺭﺕ ﺍﻟﻔﺮﺡ ﻟﻠﺮﻛﺒﻪ ﺻﺎﺭ ﺍﻭﻳﺎﻱ
ﻭﺍﺭﺩﺍﻥ ﺍﻟﻔﺮﺡ ﻣﺎﻭﺻﻠﻦ ﻟﺰﻧﺪﻱ
ﻭﻛﺪﺭﺕ ﺍﻟﺤﺰﻥ ﺷﻔﺘﻪ ﺍﻋﻠﻪ ﻃﻮﻟﻲ ﻳﻠﻮﻙ
ﻭﻣﻔﺼﻞ ﻋﻠﻴﻪ ﻭﺻﺎﻳﺮ ﺑﻜﺪﻱ
ﻭﻣﻦ ﻇﻴﻢ ﺍﻟﻌﻠﻲ ﻇﻠﻴﺖ ﺍﺑﻴﻊ ﻫﻤـــﻮﻡ
ﻭﺍﺳﻌﺎﺭ ﺍﻟﻬﻤﻮﻡ ﺍﻣﺴﺠﻠﻪ ﺑﺨﺪﻱ
ﺍﻟﺮﺍﻳﺪ ﺣﺰﻥ ﻳﺎﺧﺬ ﺣﺰﻥ ﺑﺎﻟﺪﻳﻦ
ﻭﺍﻟﺮﺍﻳﺪ ﻓﺮﺡ ﻳﻌﺬﺭﻧﻲ ﻣﺎﻋﻨﺪﻱ
ﺍﺟﻲ ﻛﺘﻠﻲ ﻣﻦ ﺍﺻﻴﺤﻦ ﻭﻳﻨﻜﺘﻪ
ﺻﺮﺕ ﻧﻜﺘﻪ ﺑﺰﻣﺎﻧﻲ ﻭﻳﻨﻜﺘﻪ
ﻭﻟﻚ ﺩﻣﻌﻲ ﻣﻦ ﺍﻛﺘﻪ ﻭﻳﻨﻜﺘﻪ
ﻃﺮﻳﺞ ﻣﻦ ﺍﻟﺪﻣﻊ ﻣﺎﻇﻞ ﺍﻟﻴﻪ
ﻭﺍﻧﻪ ﺍﻭﻳﻪ ﺍﻟﺤﺰﻥ ﻋﺸﺮﺗﻨﻪ ﺧﺪ ﻭﻋﻴﻦ
ﺍﻧﻪ ﺍﻟﺨﺪ ﺻﺮﺗﻠﻪ ﻭﻫﻮﻩ ﺍﺧﺬ ﻋﻴﻨﻲ
ﺍﻳﺒﺠﻴﻨﻲ ﺍﻋﻠﻪ ﻛﻴﻔﻪ ﻭﺷﻔﺘﻪ ﻣﺎﻣﺮﺗﺎﺡ
ﻛﺘﻠﻪ ﺍﻟﺨﺪ ﺍﻟﻚ ﺑﺲ ﻻﺗﺒﺠﻴﻨﻲ
ﺑﺠﺎﻧﻲ ﺍﻟﻌﻤﺮ ﻛﻠﻪ ﻭﻣﺸﻴﺖ ﺍﻭﻳﺎﻩ
ﻳﻨﺴﺎﻧﻲ ﺍﻭﻳﺮﺩ ﻣﺎﻛﻠﻪ ﺗﺎﻧﻴﻨﻲ
ﺍﺫﻛﺮ ﺑﺎﻟﺤﻠﻢ ﺷﻔﺖ ﺍﻟﻔﺮﺡ ﻋﺎﻟﺒﺎﺏ
ﺣﺴﺒﺎﻟﻲ ﺍﻟﺤﺰﻥ ﻣﻦ ﺷﻔﺘﻪ ﻧﺎﺳﻴﻨﻲ
ﻣﺪ ﺍﻳﺪﻩ ﺍﻋﻠﻪ ﺧﺪﻱ ﻭﻛﺎﻝ ﺗﻀﺤﻚ ﻟﻴﺶ
ﻛﺘﻠﻪ ﺍﺿﺤﻚ ﺟﺬﺏ ﻭﺍﺗﺸﺎﻗﻪ ﺗﺪﺭﻳﻨﻲ
ﺗﺮﺑﺎﺓ ﺍﻟﺤﺰﻥ ﻭﺍﻧـــﻪ ﺍﺳﻤﻲ ﻧﺺ ﺍﻟﻠﻴﻞ
ﻳﺎﻟﻄﻮﻟﻚ ﻳﺘﻴﻢ ﻭﻻﺑﺲ ﺍﺳﻨﻴﻨﻲ
ﻧﺺ ﺍﻟﻠﻴﻞ ﺍﺳﻤﻲ ﻭﺑﺲ ﻋﻠﻴﻪ ﻳﻠﻮﻙ
ﻓﺪﻭﻩ ﺑﻐﻴﺮ ﺍﺳﻢ ﺑﺲ ﻻﺗﺴﻤﻴﻨﻲ
ﺳﻤﻮﻧﻲ ﺍﻟﺼﺒﺢ ﻣﺮﻩ ﻭﻛﻤﺖ ﻣﺮﻋﻮﺏ
ﻣﺎﺭﻳﺪ ﺍﻟﺼﺒﺢ ﻭﺑﻠﻴﻠﻲ ﺧﻠﻴﻨﻲ
ﺍﻟﻌﻤﺮ ﻛﻠﻪ ﻛﻈﻴﺘﻪ ﻣﻨﻌﺎﻧﻲ
ﻃﺤﺖ ﻣﺤﺪ ﻟﻔﺎﻧﻲ ﻣﻨﻌﺎﻧﻲ
ﺑﻨﻌﺶ ﻣﻄﺮﻭﺡ ﻟﻴﻠﻲ ﻣﻨﻌﺎﻧﻲ
ﺍﺳﺘﺤﻴﺖ ﻭﺻﺒﺤﺖ ﺟﻨﺎﺯ ﺑﻴﻪ
رد مع اقتباس
