ها..گظت
ها..لا بعدها
ها..گظينه
ها..بعد بينه نفس
ها..لگينه اعيونه
ها..مالگينه
ها..نسينه الشوف
ها..بان الخرس
ياهم أحنه ..
امنين اجينه
اليا نهايه احنه ابتدينه ..
اتضيع بين شفافنه حروف السوال
وتهنه وسط ابيوت اهلنه ..
ولاتصح چلمة تعال
وصاحت الوادم
علينه امسودنين ..
وشگگينه اثيابنه
وصاحت الوادم
ددلو..التايهين
وتيهينه ابوابنه
مسودنين..
مسودنين وتايهين..
لا أخذنه الكاس قبله
ولا..توضينه اعله دين
وصار فكر البينه دهله
لاهو..ماي ولاهو طين
مسودنين..
نبچي ماندري عليمن
نضحك
وماندري ليش
ومادرينه
انبعنه يمته
ومادرينه
انبعنه بيش
وكبرت الفشله
بسواد اعيونه ونده الجبين
مسودنين..
وصاحت أعلينه الشوارع
لا..تجون
وصاحت الوادم ابد
مايستحون
مسودنين
تعرف الوادم حچينه..
بس تسد أسماعهه
واحنه محد يشترينه..
وتركض أعله الباعهه
لا..حچينه بألف شفه
ولا..لبسنه أوجوه ترفه
ولا..گدرنه أنعيش يوم أملونين
وباعنه..المايشترينه
وصاحت الوادم علينه
أمسودنين
أمسودنين
رد مع اقتباس
المشاركة الأصلية كتبت بواسطة جنونه
