هنا

[حسن الملكي]

تكلي اتركني انت شبيك مجنون
هو الي يحب مثلك يتركه
تكلي اتركني طلعت منك شلون
نتقاسم بلنفس والروح شركة
امد شارع اعنادي بخلصت تهون
واصل للنهايه والكه فلكة
وارجعلك كلبك مشتاك وعيون
وملك شاريك لو ينطيك ملكة
اذا شفتك بعيد يغيم الكون
واعض شفاي حركة وجفي افركة
تحاجيني بترف وبصوت مزيون
وتصور هالزمه تصير امسكة
كون امسك شفافك واكلب الكون
وجبل ثابت من البوسات احركه
بعد لتكلي اتركك كون شيكون
هو الي يحب مثلك يتركة
اسولفلك عليه وخلي اسئلك ليش
عليه الليل حرمته ومنامه
اسمعت منك كلام يهدم الحيل
وعليه اليوم مر يوم القيامه
اني الي احبك وميت اعليك
تكلي انساني اذا عندك كرامه
اشو عندي كرامه وباقي ما انساك
شنو قانون كلشي تكوله ماما
اجلب بيك اجلب لو تصير الموت
وحلال الكون يتساوه بحرامه
عكس السير امشي بخلك مجنون
واذا لزموني عود ادفع غرامه
انا مسودن اصيل وراسي مقفول
ودماغي مقفل ومابيه جامه
اعوفك اني اعوفك ليش وشلون
يضحكة عيد بعيون اليتامه
ياول نفس صافي اتنفسه بدنياي
ويحبي بلا وجع وبلا ملامه
اني الي احبك وميت اعليك
تكلي انساني اذا عندك كرامه

[عاشقة الاحزان]

امنور

[الاميرة لجين$$$]

رؤؤؤؤعه شكراا

[Marya .W Abdullah]

​رؤؤؤعات عاشت الانامل

[حسن الملكي]

منورااااااااااااات اخواتي شكراااااااااا للمرؤؤؤؤر

[علي الشمري]

عاشت الايادي
شكرا