درتلك ظهر گلبي بعد راح انـــــساك
واعتبرك متت بل اقنع بموتــــــــــــك
وارجعهن سنيني الراحن بليــــــــاك
وادفن ذكرياتي بعتبة سكوتــــــــــك
وبعد بالتسعه انام السهر راح ويــاك
وبعد بأذني محرم ينسمع صـــــوتك
ولو صارت سوالف والعتب ميفيـــــد
جناز العتب وسواره تابوتـــــــــــــــك
قطار الگلب سار ولا تنطره بيــــــوم
بمحطاتك حلف..مايوگف يفـــــــوتك
تستاهل اعوفك وابتعــــد وانســـــــــــاك
واغفه بليلي ناسي وبالــــي مرتـــــــاح
تستاهل اتركك يل تركـــــت الوفــــــــــــه
وبعتني بلا ثمن وشبعت روحــــي جراح
لك اني البذلت لعمر لجــــلك ليــــــــش
تذلني لأجل شامت ويهون عمري الراح
راح بحبك و راح بخدع وافـــــــــــــــــــلام
واحزان وقهر تشبه ورد قــــــــــــــــــــداح
عطر فواح بس وســــــــــــفه ثمنـها ورد
تلف عمره لأجل احلامه بـــــأفــــــــــراح
لك ويــن الوعد متگلــي يا چــــــــــذاب
شو ظالم حبيبك وانت مرتـــــــــــــــــاح
وسفه انطيت عمري للما يقدر العشگ
وسفه بغلطتي ضيعت كلشـــــي وراح
ما الومك بعد بس چلمه وحده بقـــــت
خلف الله عليك نردها بالافــــــــــــــــراح
اذا كلمه احبك يعني احبك حيل
الف مره احبـــــــك واعترف بيهه
تعبني السهر وشگد طويل الليل
هاي من البدايــــه اشلون تاليهه
صدگني بفرگتك انه شفت الويل
ولجل شوفة عيونك روحي انطيهه
يااحلى قصيده انخبطت ويه الهيل
احبك وابقه احبك وابقه احجيهه
رد مع اقتباس
